Жумаков: Ысык-Көлдө куткаруучулардын 9 тобу иштейт
© Sputnik / Табылды КадырбековӨКМдин Суучулдар кызматынын жетекчисинин орун басары Замирбек Жумаков
![ӨКМдин Суучулдар кызматынын жетекчисинин орун басары Замирбек Жумаков ӨКМдин Суучулдар кызматынын жетекчисинин орун басары Замирбек Жумаков - Sputnik Кыргызстан, 1920, 30.06.2022](https://sputnik.kg/img/07e6/06/1e/1065669640_0:194:3072:1922_1920x0_80_0_0_ebd745ceb168d0b82312f6361cffec69.jpg)
Жазылуу
ӨКМдин Суучулдар кызматынын жетекчисинин орун басары Замирбек Жумаков министрлик июль айында тик учак алууну пландап жатканын айтты.
Министрликтин Ош облусунда атайын даярдыктан өткөн альпинисттик куткаруучулардан турган борбору бар. Алар күн-түн дебей тоодо кырсыкка кабылган турист же жергиликтүү тургундарга кызмат көрсөтөт. Бул тууралуу Замирбек Жумаков Sputnik Кыргызстан радиосунун эфиринде маек куруп жатып билдирди.
Жумаков: Ысык-Көлдө куткаруучулардын 9 тобу иштейт
Анын айтымында, Беловодское шаарында альпинисттик куткаруучуларды даярдаган окуу бөлүмү жайгашкан.
"Өзгөчө кырдаалдар министрлиги альпинисттик куткаруучуларды да даярдайт. Мындан сырткары, жайкы сууга түшүү сезону баштала электе эле республикадагы суу, көлмөлөргө инвентаризация жүргүзүлүп, пансионат, бассейндерден түшкөн билдирүүлөрдүн негизинде суучулдарды даярдап чыгарабыз. Былтыр 157 суучулду окутсак, алардын 130дан ашууну Ысык-Көл облусунда иштешти. Калганы шаарлардагы бассейндерде кызмат көрсөтүштү. Ысык-Көлдүн беш район, эки шаарында ар бир топто сегиз кишиден турган тогуз топ күнү-түнү күжүрмөн кызматта турушат. Ошондой эле өлкөдө тоо туризми күч алып жаткандыктан бул багыттагы алпинисттик куткаруучуларыбыз да 24 саат бою калк кызматына даяр. Альпинисттик куткаруучулардын техникалык базасын чыңдоо максатында министрлик тик учак алууну пландаган. Анын келишин июль айына божомолдоп жатабыз", — деди Жумаков.
Ал ушул тапта суудагы куткаруучуларды окутуу жүрүп жаткандыгын кошумчалады.