Путиндин Индонезияда өтө турган G20 саммитине катышары айтылды

РФ лидери Владимир Путин - Sputnik Кыргызстан, 1920, 27.06.2022
Жазылуу
НовостиTelegram
Буга чейин АКШ жана бир катар өлкөлөр быйыл G20 саммитине Россияны катыштырбоого аракет кылган.
БИШКЕК, 27-июн. — Sputnik. РФ лидери Владимир Путин Индонезияда өтө турган G20 саммитине чакыруу алды, Россия тарап ага оң жооп берди. Бул туурасында анын жардамчысы Юрий Ушаков билдиргенин РИА Новости жазды.
Эске салсак, "Чоң жыйырмалыктын" саммити Бали аралында 15-16-ноябрда өтмөкчү.
"Биз расмий чакыруу алдык, индонезиялыктарга басым кылып жатышат, Батыш өлкөлөрү аны мурда деле жасап келишкен".
Бирок биздин президент чакырууну алды, оң жооп берип, катышууга кызыкдар экенибизди айттык", — деген Ушаков брифингде.
Буга чейин АКШ жана бир катар өлкөлөр быйыл G20га төрагалык кылган Индонезияга Украинадагы абалдан улам Россиянын саммитке катышуусунан баш тарттыруу үчүн басым жасаганга аракет кылган. Бирок Жакарта Россияга чакыруу жолдонгонун жана аны кайрадан артка чакырууга мүмкүн эместигин айткан. G20 саммити экономикалык маселелерди карайт, саясат анын күн тартибине таасир этпеши керек. Ушул эле учурда Индонезия өкмөтү АКШ жана анын союздаштарынын сунушу боюнча Украинаны да иш-чарага чакырган.
Россия лидеринин маалымат катчысы Дмитрий Песков Россиянын катышуусу туурасындагы формат чечими саммит жакындап келе жатканда кабыл алынгандыгын айткан. Эмне болгон күндө да Владимир Путиндин колунда чакыруу турат, Москва анын алкагында ишин уланта бермекчи.
Еврокомиссиянын башчысы Урсула фон дер Ляйен ага Россия лидери Владимир Путин катышса бойкот жарыялоо керек деген пикирлерге каршылыгын билдирген.
Еврокомиссиянын башчысы Урсула фон дер Ляйен. Архив - Sputnik Кыргызстан, 1920, 27.06.2022
ЕК башчысы Россияны G20 саммитине катыштырбоо сунушун колдобосун айтты
Жаңылыктар түрмөгү
0