Токмокто 18 метрлик кудук казып жаткан үч киши каза таап, дагы экөө жабыркаган

© Фото / пресс-служба МЧС КРГибель трех мужчин в колодце в Токмоке
Гибель трех мужчин в колодце в Токмоке - Sputnik Кыргызстан, 1920, 26.06.2022
Жазылуу
НовостиTelegram
Жабыркагандарды Тез жардам кызматы Токмок шаардык ооруканасына жеткирген. Ал эми маркумдардын сөөктөрү ИИМ кызматкерлерине өткөрүлүп берилген.
БИШКЕК, 26-июн. — Sputnik. Токмокто 18 метрлик кудук казып жаткан үч киши каза тапты. Бул тууралуу ӨКМ билдирди.
Маалыматка караганда, окуя Жантаев көчөсүндө жайгашкан курулуш материалдарын саткан короонун ичинде болгон.
© Фото / пресс-служба МЧС КРТокмокто 18 метрлик кудук казып жаткан үч киши каза тапты
Гибель трех мужчин в колодце в Токмоке - Sputnik Кыргызстан, 1920, 26.06.2022
Токмокто 18 метрлик кудук казып жаткан үч киши каза тапты

“Кудукту казуу учурунда эң терең жериндеги киши аба жетпей эс-учун жоготкон. Ал байланышка чыкпай калгандыктан экинчиси ылдый түшүп, ага да аба жетпей кулаган. Натыйжада экөө тең каза болгон”, - деп айтылат маалыматта.

Кийин ошол жерде иштеп жаткан дагы үч киши аларга жардам берейин деп кудуктун түбүнө түшкөн. Тилекке каршы, алар дагы аба жетпей сыртка чыга албай калышкан. Жерине ӨКМдин куткаруучулары келип беш кишини сыртка алып чыккан. Алардын экөө тирүү (33 жана 23 жаштагылар), үчөө каза болуп калган (42, 40, 35 жаштагылар).
Жабыркагандарды Тез жардам кызматы Токмок шаардык ооруканасына жеткирген. Ал эми маркумдардын сөөктөрү ИИМ кызматкерлерине өткөрүлүп берилген.
Күбөлөрдүн айтуусу боюнча, кудукту казып жаткан учурда тереңдиги 10 метрге жеткенде дизель майынын жыты пайда болгон. Себеби жанында күйүүчү майды сактоочу база жайгашкан.
ӨКМ кызматкерлери издөө иштери учурунда - Sputnik Кыргызстан, 1920, 25.06.2022
Таласта төрт өспүрүм сууга чөгүп кетип, үчөөнүн сөөгү табылды. Сүрөт
Жаңылыктар түрмөгү
0