Кыргызстан Азия чемпионатында грек-рим күрөшү боюнча 1-орунду алды

© Фото / United World WrestlingКыргызстандын курама командасынын машыктыруучусу
Кыргызстандын курама командасынын машыктыруучусу - Sputnik Кыргызстан, 1920, 21.06.2022
Жазылуу
Yandex newsTelegram
Бул категориядагы мелдеште 11 өлкөнүн балбандары күчүн сынаган.
БИШКЕК, 21-июн. — Sputnik. Кыргызстандын өспүрүмдөр арасындагы (U17) грек-рим күрөшү боюнча командасы Бишкекте өтүп жаткан Азия чемпионатында биринчи орунду алды.
20-июнда Азия чемпионатында грек-рим күрөшү боюнча беттештер аяктады. Жалпысынан медалдын 10 комплекти ойнотулуп, улуттук командадан 10 балбан катышкан. Натыйжада кыргызстандык өспүрүмдөр жети медалга ээ болду, анын төртөө алтын, бирөө күмүш, экөө коло.
Муну менен жалпы командалык эсепте 182 упай чогултуп Кыргызстан биринчи орунду ээледи. Андан кийинки сапта Иран (174 упай), үчүнчү орунда (170) Казакстан турат.
Бул категориядагы мелдеште 11 өлкөнүн балбандары күчүн сынаган.
Бишкекте күрөш боюнча Азия чемпионаты старт алды - Sputnik Кыргызстан, 1920, 20.06.2022
Бишкекте күрөш боюнча Азия чемпионаты өтүп жатат. Убакыт-сааты
Жаңылыктар түрмөгү
0