Бишкекте 14-июнь күнү масштабдуу кан тапшыруу акциясы өтөт

© Sputnik / Григорий Сысоев / Медиабанкка өтүүКан тапшыруу. Архив
Кан тапшыруу. Архив - Sputnik Кыргызстан, 1920, 11.06.2022
Жазылуу
Дүйнөлүк саламаттык сактоо уюмунун маалыматы боюнча, донордук кандын минималдуу-оптималдуу көлөмү болушу үчүн 1 000 адамга 40 донор туура келиши керек. Ал эми Кыргызстанда миң адамга 5,5 гана донор бар.
БИШКЕК, 11-июн. — Sputnik. 14-июнь — Бүткүл дүйнөлүк кан донорунун күнүнө карата Бишкекте масштабдуу кан тапшыруу акциясы өтөт. Бул тууралуу Республикалык кан борборунан билдиришти.
Иш-чара шаар мэриясынын колдоосу менен "Азия-молл" соода борборунун экинчи кабатында өткөрүлөт. Донор болууну каалагандар саат 9:00дөн баштап каттоодон өтө алышат.
Дүйнөлүк саламаттык сактоо уюмунун маалыматы боюнча, донордук кандын минималдуу-оптималдуу көлөмү болушу үчүн 1 000 адамга 40 донор туура келиши керек. Ал эми Кыргызстанда миң адамга 5,5 гана донор бар.
"Тилектештик маданиятын бекемдөө үчүн ар бирибиз ыктыярдуу кан тапшыруу маанилүү экенин түшүнүшүбүз керек. Ар бирибиз салым кошкон учурда гана дени сак коомдо жашай алабыз. Андыктан саламаттыгы мүмкүнчүлүк берген ар бир кыргызстандыкты бул акцияга активдүү катышууга чакырабыз", — дешти уюштуруучулар.
Кан донорунун дүйнөлүк күнүнүн быйылкы урааны — Кан тапшыруу тилектештик актысы. Донор болуп, өмүрлөрдү сактап кал!
Өпкөнүн рентген сүрөтү. Архив - Sputnik Кыргызстан, 1920, 25.04.2022
Кооптуу илдетке чалдыкпаш үчүн жыл сайын тапшырылчу анализдердин тизмеси
Жаңылыктар түрмөгү
0