Ошто "Акыркы коңгуроо" башталып, милиция коомдук тартипке көз салууда

© Sputnik / Табылды КадырбековОкуучулар акыркы коңгуроо учурунда. Архив
Окуучулар акыркы коңгуроо учурунда. Архив - Sputnik Кыргызстан, 1920, 09.06.2022
Жазылуу
Жашы жете электерге спирт ичимдиктерин саткандар тыкыр текшерилип жатканы айтылды.
БИШКЕК, 9-июн. — Sputnik. Ош облусундагы жалпы билим берүү мекемелеринде "Акыркы коңгуроо" аземи башталып, милиция кызматкерлери коомдук тартипти сактап, жол кырсыктарын алдын алуу максатында жер-жерлерде иш алып барууда. Бул тууралуу ИИМдин маалымат кызматы кабарлады.
Билдирмеге караганда, Оштогу ар бир мектепке иш-чара аяктаганга чейин милиция кызматкерлери бекитилген. Мындан тышкары, жол кырсыктарын болтурбоо үчүн эс алуу жайларында мобилдик топтор уюштурулган.
"Жашы жете электерге спирт ичимдиктерин саткандар тыкыр текшерилип, окуучу, ата-энелерге түшүндүрүү иштери жүргүзүлүп жатат. Шаар сыртында атайын мобилдик өткөрмө пунктулары да коюлган", — деп жазылат маалыматта.
Расмий иш-чаралар аяктаган соң милиция кызматкерлери эс алуу жайларында, балдар аянтчаларында, кафе, ресторан, сейил бактарда кызмат өтөй турганы кошумчаланды.
Бишкектеги мектепте Акыркы коңгуроо. Архив - Sputnik Кыргызстан, 1920, 19.05.2022
Акыркы коңгуроодо акча чогултууга тыюу салынат. Министрлик эскертүү берди
Жаңылыктар түрмөгү
0