Кыргызстан менен Сингапурдун футбол командаларынын беттеши башталды

© Фото / пресс-служба Кыргызского футбольного союзаКыргызстан футбол боюнча курама командасы
Кыргызстан футбол боюнча курама командасы - Sputnik Кыргызстан, 1920, 08.06.2022
Жазылуу
Беттешти көрүүгө Кыргызстандын президенти Садыр Жапаров да келген.
БИШКЕК, 8-июн. — Sputnik. Бүгүн Бишкек шаарында Азия кубогуна тандоо этабында Кыргызстан менен Сингапурдун футбол боюнча курама командаларынын беттеши башталды.
Бул 2023-жылдагы Азия кубогунун тандоо этабындагы F тобунун экинчи оюну. Таймаш борбор калаадагы Дөлөн Өмүрзаков атындагы стадиондо өтүүдө.
Оюнду көрүүгө Кыргызстандын президенти Садыр Жапаров да келген.
© Sputnik / Табылды КадырбековОтборочный турнир на Кубок Азии — 2023 в Бишкеке
Отборочный турнир на Кубок Азии — 2023 в Бишкеке - Sputnik Кыргызстан, 1920, 08.06.2022
Кыргызстан курама командасынын төмөнкү курамы оюн талаасына чыгары бир аз мурда белгилүү болду:
Дарбазачы — Эржан Токотаев;
коргоочулар — Валерий Кичин (капитан), Тамирлан Козубаев, Александр Мищенко, Бекжан Сагынбаев;
жарым коргоочулар — Алимардон Шүкүров, Гүлжигит Алыкулов, Одилжон Абдурахманов, Фархат Мусабеков, Кайрат Жыргалбек уулу;
чабуулчу — Эрнист Батырканов.
Беттеш башталар алдында стадиондогуларды жандандыруу максатында кыргыз эстрада ырчылары чыгып ырдашты. Күйөрмандар алар менен кошо Кыргызстандын гимнин жана "Кыргыз жери" ырын аткарышты.
Күйөрмандар Кыргызстандын желегин көтөрүп, ары-бери булгалап, ал эми бир нече адамдын барабандар менен келип, аны менен кыргызстандык футболчуларды колдоого камданып турганын көрүүгө болот.
Кыргызстандык футболчулар 11-июнда Мьянма, 14-июнда Тажикстан менен ойномокчу.
Кыргызстандын футбол боюнча курама командасы - Sputnik Кыргызстан, 1920, 08.06.2022
Азия кубогуна тандоо. Кыргызстандын футбол командасынын тизмеси жарыяланды
Жаңылыктар түрмөгү
0