Болгону 18 жыл. Төрөө үчүн эң ылайыктуу жаш курак айтылды

© Фото / Pexels/ MART PRODUCTIONДарыгерге корүнүп жаткан кош бойлуу аял. Архив
Дарыгерге корүнүп жаткан кош бойлуу аял. Архив - Sputnik Кыргызстан, 1920, 04.06.2022
Жазылуу
Yandex newsTelegram
Адис төрөгөн аял жатын моюнчасынын жана эмчектин шишик ооруларынан оолак боло турганын белгиледи.
БИШКЕК, 4-июн. — Sputnik. Кыргызстандагы акушер-гинекологдор жана неонатологдор ассоциациясынын президенти, медицина илимдеринин доктору, профессор Арсен Аскеров төрөө үчүн эң ылайыктуу жаш курак тууралуу айтып берди.
Оптималдуу мезгил — 20 жаштан 38 жашка чейинки курак.
 
"Азыр аялдардын организминде өзгөрүү болуп жатат. Кыздарда этек кир эрте келип, кеч турмушка чыгып жатышат. Бирок эртелеп төрөп койгондор да кездешүүдө. Биз 20 жаштан кийин балалуу болууну сунуштайт элек. Кош бойлуулуктун пайдалуу касиети зор. Аялдар жатын моюнчасынын жана эмчектин шишик ооруларынан оолак болот. Боюнда барда сөөк, булчуңдарга пайдалуу прогестерон гормонун алышат", — деди Аскеров.
Ошондой эле дарыгер кеч төрөттүн да кесепетин айтып өттү.
 
"Жаш өткөн сайын ар кандай оорулар жана эндокриндик өзгөрүүлөр болушу мүмкүн. Анын ичинде жүрөк илдети барларга бала көтөрүү кыйын. Тогуз айдын ичинде адамга дагы 1-2 литр кан кошулат. Аны жүрөк иштете алышы керек, болбосо акыбал оорлошуп, түрдүү кесепеттерге алып келиши ыктымал", — деди акушер.
Адис буга чейин эрте төрөт тууралуу да ой бөлүшкөн.
Ооруканадагы аял. Архив - Sputnik Кыргызстан, 1920, 27.05.2022
Жатын моюнчасын жабыркатат. Адис аялдар үчүн кооптуу вирусту атады. Видео
Жаңылыктар түрмөгү
0