Көлдө таланттуу балдар үчүн президенттик мектеп салынууда. Жапаров курулушту көрдү
16:26 02.06.2022 (Жаңыртылды: 16:36 02.06.2022)
Жазылуу
Курулуш Сочи жана Санкт-Петербургдагы орус мектептериндей жүргүзүлүп, демөөрчүлүк каражат пайдаланылат.
БИШКЕК, 2-июн. — Sputnik. Президент Садыр Жапаров бүгүн, 2-июнда, Чолпон-Ата шаарында таланттуу балдар үчүн президенттик мектептин курулушу менен таанышканын өлкө башчынын маалымат кызматы кабарлады.
Президент Садыр Жапаров бүгүн, 2-июнда, Чолпон-Ата шаарында таланттуу балдар үчүн президенттик мектептин курулушу менен таанышканын өлкө башчынын маалымат кызматы кабарлады
Билим берүүчү мекеме 220 окуучулук орунга эсептелген
Долбоорго ылайык, мектептин окуучулары үчүн билим алуу менен бирге ыңгайлуу жашоого зарыл шарт түзүлөт
Президент Садыр Жапаров бүгүн, 2-июнда, Чолпон-Ата шаарында таланттуу балдар үчүн президенттик мектептин курулушу менен таанышканын өлкө башчынын маалымат кызматы кабарлады
Билим берүүчү мекеме 220 окуучулук орунга эсептелген
Долбоорго ылайык, мектептин окуучулары үчүн билим алуу менен бирге ыңгайлуу жашоого зарыл шарт түзүлөт
Билим берүүчү мекеме 220 окуучулук орунга эсептелген. Долбоорго ылайык, мектептин окуучулары үчүн билим алуу менен бирге ыңгайлуу жашоого зарыл шарт түзүлөт.
"Мектеп бардык заманбап стандарттарга жооп берип, анда окуучулардын туруктуу жашоосу үчүн уктоочу бөлмөлөр, ар кандай окуу бөлүмдөрү үчүн залдар жана башкалар жайгаштырылат. Курулуш Сочи жана Санкт-Петербургдагы орус мектептериндей жүргүзүлүп, демөөрчүлүк каражат пайдаланылат. Бул жерде өлкөнүн бардык аймактарынан келген таланттуу балдар билим алып, талантын жана жөндөмүн өнүктүрүүгө мүмкүнчүлүк алышат", — деп айтылат маалыматта.
Мектеп Саламаттык сактоо министрлигинин балансында турган курорттордун биринин аймагында курулуп жатканы белгиленди.
Президент Жапаров балдарды жөндөмүн жана чыгармачылыгын өнүктүрүү үчүн талантты өз убагында аныктоонун маанилүүлүгүнө токтолуп, курулушту 2022-2023-жаңы окуу жылына чейин бүтүрүүнү тапшырды.
Мындан тышкары, тиешелүү мамлекеттик органдарга бул долбоорду ишке ашыруу боюнча бардык маселелерди иштеп чыгуу милдеттендирилди.
