Кой-Таштагы "Теплые ключи" комплекси "Электр станцияларына" убактылуу берилди

© Sputnik / Табылды КадырбековКой-Таш айылы. Архив
Кой-Таш айылы. Архив - Sputnik Кыргызстан, 1920, 24.05.2022
Жазылуу
Yandex newsTelegram
Азыркы учурда комплексти модернизациялоо, имараттарын жана курулмаларын талаптагыдай деңгээлде кармап туруу зарыл.
БИШКЕК, 24-май — Sputnik. Аламүдүн районунун Кой-Таш айылында жайгашкан "Теплые ключи" ден соолукту чыңдоо комплексинин кыймылсыз мүлкү "Электр станциялары" ачык акционердик коомуна 15 жылдык мөөнөткө акысыз убактылуу пайдаланууга берилди. Чечимге министрлер кабинетинин төрагасы Акылбек Жапаров кол койгонун өкмөттөн кабарлады.
Мындай чечим "Теплые ключи" ден соолукту чыңдоо комплексинин мүлкүн сактоо, майнаптуу жана сарамжалдуу пайдалануу максатында кабыл алынган.
"Теплые ключи" ден соолукту чыңдоочу комплекси энергетика тармагынын кызматкерлерин зыяндуу өндүрүштүк шарттардан реабилитациялоо, ооруларды алдын алуу, дарылоо жана эс алуу үчүн курулуп, 1977-жылы пайдаланууга берилген.
Белгилей кетсек, азыркы учурда "Теплые ключи" ден соолукту чыңдоо комплексин модернизациялоо, имараттарын жана курулмаларын талаптагыдай деңгээлде кармап туруу зарыл. Ал эми аны тейлөө дагы эле "Электр станциялары" ачык акционердик коомунун эсебинен жүргүзүлүүдө.
Бишкектеги Кыргыз-түрк Достук ооруканасы. Архив - Sputnik Кыргызстан, 1920, 15.04.2022
Бишкектеги Кыргыз-түрк "Достук" ооруканасы мэриянын балансына өттү
Жаңылыктар түрмөгү
0