Баткен ОИИБ: кырсыкта каза болгондордун бирөө өзбекстандык, окуя иликтенип жатат

© Фото / пресс-служба ГУОБДД МВД КР"Чечме" көзөмөл өткөрүү пунктунда болгон жол кырсык
Чечме көзөмөл өткөрүү пунктунда болгон жол кырсык - Sputnik Кыргызстан, 1920, 22.05.2022
Жазылуу
Yandex newsTelegram
Азыркы күндө жабыр тарткандарга соттук-медициналык, ал эми талкаланган унааларга соттук-автотехникалык экспертизалар дайындалган.
БИШКЕК, 22-май — Sputnik. Кыргыз-өзбек чек арасындагы "Чечме" көзөмөл-өткөрүү пунктунда болгон жол кырсыгынын себептери иликтенүүдө. Бул тууралуу Баткен ОИИБдин маалымат кызматы кабарлады.

"ӨКМдин айдоочусу HOWO (Трал) үлгүсүндөгү оор жүк ташуучу унаанын чиркегичине Samsung үлгүсүндөгү жол сүрүүчү трактор техникасын жүктөп алып, Бөжөй айылына сел кесепеттерин жоюуга бара жаткан. Белгисиз себептерден автоунаанын ылдамдыгы төмөндөбөй, айдоочу рулга ээ боло албай калган. Жыйынтыгында өткөрүү пунктунун тосмолорун бузуп, постто кезек күтүп турган унаалар жана адамдарды сүзүп кеткен", — деп жазылган маалыматта.

Ошондой эле милиция каза тапкан сегиз кишинин бирөө Өзбекстандын жараны экенин билдирди. Мындан сырткары, ооруканага кайрылган 11 кишинин бирөө өзбекстандык.
"Ошол эле күнү каза болгондор өлүкканага жеткирилип, аты-жөнү такталып туугандарына өткөрүп берилген. Азыркы күндө жаракат алгандарга соттук-медициналык, ал эми талкаланган унааларга соттук-автотехникалык экспертизалар дайындалып, келтирилген зыяндын өлчөмү аныкталууда", — деп жазылган маалыматта.
Иштин материалдары Кадамжай РИИБдин кызматкерлерине өткөрүп берилген.
Айдаркендеги болгон жол кырсык - Sputnik Кыргызстан, 1920, 22.05.2022
Айдаркендеги сегиз кишинин өлүмү: ӨКМ башчысы Ажикеев аймакка барды. Сүрөт
Жаңылыктар түрмөгү
0