Жапаров авиацияны өнүктүрүү жарлыгына кол коюп, тармакка убактылуу жетекчи дайындады

© Sputnik / Табылды КадырбековЫсык-Көл аэропортундагы жүргүнчүлөр. Архивдик сүрөт
Ысык-Көл аэропортундагы жүргүнчүлөр. Архивдик сүрөт - Sputnik Кыргызстан, 1920, 21.05.2022
Жазылуу
Yandex newsTelegram
Документтин негизги максаты — жарандык авиацияны башкаруу системасын өнүктүрүү, өлкө ичинде жана эл аралык линияларда калкты авиациялык тейлөөнүн деңгээлин жогорулатуу.
БИШКЕК, 21-май — Sputnik. Президент Садыр Жапаров "Кыргыз Республикасында жарандык авиацияны башкаруу системасын өркүндөтүү жана авиациялык каттамды өнүктүрүү боюнча чаралар жөнүндө" жарлыкка кол койду. Бул тууралуу мамлекет башчынын маалымат кызматынан билдирди.
Документтин негизги максаты — жарандык авиацияны башкаруу системасын өнүктүрүү, өлкө ичинде жана эл аралык линияларда калкты авиациялык жактан тейлөөнүн деңгээлин жогорулатуу.
Президент Жарандык авиация мамлекеттик агенттигинин директорунун милдетин убактылуу аткаруучу кылып Александр Настаевди дайындады.
Ал эми министрлер кабинетине төмөнкүдөй тапшырмалар берилди:
бир айлык мөөнөттө Жарандык авиация мамлекеттик агенттиги жөнүндө жобону жана башкаруу схемасын бекитүү;
сертификаттарды, уруксаттарды, күбөлүктөрдү берүү, узартуу же өзгөртүүлөрдү киргизүү;
тиешелүү арыздарды кароо жана корутундуларды берүү үчүн КР жарандык авиациясынын уюмдарынан алынуучу атайын каражаттардын алуу жана чыгымдоо тартибин аныктоо;
Коргоо министрлигинин аэродромунда чакан авиациянын биргелешкен жайгашуусун уюштуруу маселеси чечилсин.
Жалпы тармактын алдына жарандык авиация жаатында бирдиктүү мамлекеттик саясатты иштеп чыгуу, авиациянын уюмдарынын ишин мамлекеттик жөнгө салуу, жарандык авиация чөйрөсүнө Эл аралык жарандык авиация уюмунун стандарттарын жана сунуштаган практиканы киргизүү сыяктуу милдеттер коюлду.
Баткендин экс-мэри Мамыржан Рахимов - Sputnik Кыргызстан, 1920, 19.05.2022
Баткендин айылдарын калыбына келтирүү. Президенттин жаңы өкүлү дайындалды
Жаңылыктар түрмөгү
0