Эскертүү! 26-27-майда Бишкек менен Чүйдө жолдор жабылат

© Sputnik / Табылды КадырбековБишкектеги милиция кызматкерлери жол жабылуу учурунда. Архив
Бишкектеги милиция кызматкерлери жол жабылуу учурунда. Архив - Sputnik Кыргызстан, 1920, 18.05.2022
Жазылуу
Yandex newsTelegram
Бул күндөрү чет мамлекетке же башка аймакка кете турчу жарандар сапарын алдын ала пландап алышы керектиги эскертилди.
БИШКЕК, 18-май — Sputnik. 26-27-майда Бишкек менен Чүйдө жол кыймылына чектөө киргизилет. Бул тууралуу ЖКККББнын маалымат кызматы билдирди.
Ага ылайык, бул күндөрү Жогорку евразиялык экономикалык кеңешинин мүчөлөрүнүн жолугушуусу жана Евразия экономикалык форуму өтүп, ЕАЭБге мүчө мамлекеттердин президенттери келет.
Эл аралык маанидеги иш-чараларды өткөрүү учурунда жолдогу коопсуздукту камсыз кылуу максатында Бишкек шаары менен Чүй облусунда жол кыймылына убактылуу чектөө киргизиле турганы белгиленди.
ЖКККББ шаар тургундарын менен конокторду киргизилген чектөөлөрдү түшүнүү менен кабыл алып, жол эрежесин сактоону чакырды. Ошондой эле автоунааларды жол жээгине токтотпоону суранды.
"Бул күндөрү чет мамлекетке же башка аймакка кете турчу жарандар сапарын алдын ала пландап алышы керек", — деп айтылат маалыматта.
Эске салсак, Евразия экономикалык биримдигине быйыл Кыргызстан төрагалык кылат.
Бишкектеги Ала-Тоо аянтындагы асфальт алмаштыруу иштери - Sputnik Кыргызстан, 1920, 16.05.2022
Бишкекте "Ала-Тоо" аянты бир жума бою жабык болот
Жаңылыктар түрмөгү
0