Айлыгы 30 миңден 120 миңге чейин. Кыргызстанда жаңы мекеме түзүлдү

© Sputnik / Табылды КадырбековАкча. Архивдик сүрөт
Акча. Архивдик сүрөт - Sputnik Кыргызстан, 1920, 14.05.2022
Жазылуу
Жаңы мамлекеттик мекеме Санариптик өнүктүрүү министрлигине караштуу болот.
БИШКЕК, 14-май — Sputnik. Кыргызстанда мамлекеттик "Түндүк" мекемеси түзүлүүдө.
Документ министрлер кабинетинин сайтына жарыяланган. Анда мамлекеттик мекеме Санариптик өнүктүрүү министрлигине караштуу болору айтылган.
"Түндүк" мекемесине Кыргызстанда электрондук башкаруу системасын киргизүүдө техникалык координация менен камсыз кылуу, бийлик органдарынын жана юридикалык, жеке жактардын ортосундагы электрондук өз ара аракеттенүүнү, анын ичинде мамлекеттик жана муниципалдык кызматтарды электрондук форматта көрсөтүүнү камсыз кылуу функциясы жүктөлгөн. Мамлекеттик мекеме алардын ортосунда маалымат алмашууну камсыз кылат. Ошондой эле жеке маалыматтарды да коргойт.
Документтеги тиркемеде мекеменин жетекчилери менен жумушчулардын кызматтык оклады көрсөтүлгөн.
Ким канча сомдон алат:
жетекчи — 120 миң сом;
жетекчинин орун басары — 115 миң;
архитектор — 130 миң;
башкы программист — 120 миң;
долбоордун координатору — 110 миң;
башкы бизнес-аналитик — 100 миң;
системалык администратор — 100 миң;
маалыматтык коопсуздук боюнча адис — 90 миң;
программист — 95 миң;
IT-аналитик — 90 миң;
дизайнер — 80 миң;
кичи программист — 75 миң;
бизнес-аналитик — 70 миң;
тестирлөө, долбоорлоо боюнча адис — 70 миң;
юрист — 55 миң;
бухгалтер — 55 миң;
мамлекеттик сатып алуулар боюнча адис — 30 миң сом.
Документте жумушчуларга кошумча акы иштин оордугуна, сапатына, жыйынтыгына жараша төлөнөрү айтылган.
Белгилей кетсек, Кыргызстанда орточо айлык маяна 20 миң 163 сом болуп саналат.
Мектептеги мугалим. Архив - Sputnik Кыргызстан, 1920, 12.05.2022
Министрлик: мугалимдер сентябрда деле жогорулатылган айлык алышат
Жаңылыктар түрмөгү
0