Радиостудия Sputnik Кыргызстан в Бишкеке - Sputnik Кыргызстан, 1920
Радио

Мусаев: мамкызматкердин этикасын аткаминерлер өздөрү бузууда

© Sputnik / Табылды Кадырбеков Асель СыдыковаПрезидентке караштуу Мамлекеттик тил боюнча улуттук комиссиянын төрагасы, академик Сыртбай Мусаев
Президентке караштуу Мамлекеттик тил боюнча улуттук комиссиянын төрагасы, академик Сыртбай Мусаев - Sputnik Кыргызстан, 1920, 12.05.2022
Жазылуу
Президентке караштуу Мамлекеттик тил боюнча улуттук комиссиянын төрагасы, академик Сыртбай Мусаев мамлекеттик кызматкердин этикасы демократиянын келиши менен сакталбай жатканын айтты.
Мамлекеттик кызматкердин этикасын көбүнесе президенттен тарта өкмөт башчы, министрлер өздөрү бузат. Тактап айтканда, саясий кызматты ээлеп отургандар өздөрүнүн моралдык жоопкерчиликтерин сезе беришпейт. Мындай пикирин Сыртбай Мусаев Sputnik Кыргызстан радиосунда маек куруп жатып билдирди.
Мусаев: мамкызматкердин этикасын аткаминерлер өздөрү бузууда
Анын айтымында, кайра куруу мезгилинде өлкөгө агын суудай кирип келген либералдык демократия көптөгөн баалуулуктарды талкалады.
"Этика деген өзү жүрүм-турум маданияты, өрнөк, үлгү болуу дегенди түшүндүрөт да. Мисалы, улуулар өзүнүн жүрүм-туруму менен жаштарга үлгү болушу керек. Жетекчи кызматкерлерине өрнөк болушу шарт. Ал эми бизде, тескерисинче, жетекчилик кызматта отургандар өздөрү биринчи иретте мамлекеттик кызматкердин этикасын сактабай келишет. Азыркы учурда мамлекеттик кызматкердин этикасын сактамак турсун, эң жөнөкөй адамдык нормаларды сактай албай калдык. Жүрүм-турум маданияты жагынан алганда учурдагы коом абдан начар абалда турабыз. Жаштарга үлгү болмок турсун, уят болуудабыз. Ошондуктан дагы өлкө башчысы чыгарган алгачкы жарлыктарынын бири адеп-ахлак маселеси болбодубу. Эми кептин баары анын ишке ашышында жатат", — деди Мусаев.
Акадамик аталган көйгөйдү дембе-дем көтөрүп, коомду ойготуу мезгили келип жеткенин кошумчалады.
Жаңылыктар түрмөгү
0