Казакстанда Баш мыйзамды өзгөртүү боюнча референдум өтөт

© Sputnik / Сергей Гунеев / Медиабанкка өтүүКазакстан башчысы Касым-Жомарт Токаев
Казакстан башчысы Касым-Жомарт Токаев - Sputnik Кыргызстан, 1920, 05.05.2022
Жазылуу
Президенттин жакын туугандарына мамлекеттик кызматтарга дайындалышына тыюу салуу каралган.
БИШКЕК, 5-май — Sputnik. Казакстанда супер президенттик башкаруудан баш тартуу үчүн Конституцияны өзгөртө турган референдум 5-июнга белгиленди. Бул тууралуу жазган Sputnik Казакстан агенттиги мамлекет башчы Касым-Жомарт Токаев документке кол койгондугун маалымдады.
Токаевдин айтымында, конституциялык реформа мамлекеттик моделдин баарын комплекстүү түрдө өзгөртүүгө багытталган.

"Баш мыйзамды өзгөртүүдө "супер президенттик" башкаруу формасынан таасирдүү парламенти жана отчёт бере турган өкмөтү бар президенттик республикага толугу менен өтүү камтылган. Конституциялык реформа бийлик бутактарынын тең салмактуулугун күчөтүп, маслахаттын субъективдүүлүгүн жогорулат", — деген Токаев.

Ошондой эле ал президент бардык саясий партия жана кыймылдарга мүчө болбой турганын билдирген. Мамлекет башчынын жакын туугандарына саясий кызматтарга жана мамлекеттик ишканаларда жетекчилик орундарга дайындалышына тыюу салынары айтылган.
"Алдыдагы Конституциялык реформа биздин өлкөнүн өнүгүшүнүн жаңы этабынын белгиси болуп калат", — деп белгилеген Токаев.
Ошондой эле адам укуктары жаатындагы дагы өзгөртүүлөр болуп, өлүм жазасын колдонуудан баш тартуу каралган.
ЖККУга мүчө мамлекеттердин желектери. Архив - Sputnik Кыргызстан, 1920, 29.04.2022
Майда ЖККУга мүчө мамлекеттердин президенттери Москвада жолугат
Жаңылыктар түрмөгү
0