Радиостудия Sputnik Кыргызстан в Бишкеке - Sputnik Кыргызстан, 1920
Радио

Бакиров: паралимпиадалык спорттун 13 түрү боюнча федерация түптөлдү

© Sputnik / Табылды КадырбековБишкек мэриясына караштуу Олимпиадалык резервдеги адистештирилген балдар-өспүрүмдөр спорттук мектебинин теннис, паралимпиадалык спорттун түрлөрү боюнча директору Шейшенкул Бакиров
Бишкек мэриясына караштуу Олимпиадалык резервдеги адистештирилген балдар-өспүрүмдөр спорттук мектебинин теннис, паралимпиадалык спорттун түрлөрү боюнча директору Шейшенкул Бакиров - Sputnik Кыргызстан, 1920, 27.04.2022
Жазылуу
Бишкек мэриясына караштуу Олимпиадалык резервдеги адистештирилген балдар-өспүрүмдөр спорттук мектебинин теннис, паралимпиадалык спорттун түрлөрү боюнча директору Шейшенкул Бакиров параспортто машыктыруучуларды көбөйтүү керектигин айтты.
Кыргызстанда паралимпиадалык спорттун 13 түрү боюнча федерация түптөлүп, спортчулар мелдештерге катыша баштады. Буга чейин эки гана федерация ишмердүүлүгүн жүргүзүп келген. Бул тууралуу Шейшенкул Бакиров Sputnik Кыргызстан радиосунда маек куруп жатып билдирди.
Бакиров: паралимпиадалык спорттун 13 түрү боюнча федерация түптөлдү
Анын айтымында, парабильярд, пара сууда сүзүү, пара жеңил атлетика сыяктуу түрлөрдү өнүктүрүү боюнча иштер каралып жатат.
"Акыркы жылдарга салыштырмалуу параспорт Кыргызстанда өнүгө баштады. Албетте, көйгөйлөр абдан көп. Өзүбүздүн экономикалык абалыбызды эске алуу менен аракеттер көрүлүүдө. Эл аралык мелдештерде спортчуларыбыз ийгилик менен кайтып, көрсөткүчтөр жакшырып калды. Өлкөдө паралимпиадалык спорттун 13 түрү боюнча федерация түптөлүп, эми мелдештерге балдарды даярдай баштайбыз. Буга чейин эки гана федерация иштеп келген. Бул тармактын өнүгүп жатканы кубандырганы менен майыптардын санынын өсүп жатышы өкүндүрбөй койбойт. Мындан тышкары, машыктыруучулардын санын көбөйтүп, параспортто ийгилик жаратууга толук мүмкүнчүлүгүбүз бар. Парабильярд, пара сууда сүзүү, пара жеңил атлетика сыяктуу спорттун түрлөрүн өнүктүрүү боюнча иштер каралып жатат. Негизги көйгөйлөрдүн бири атайын спорттук комплекстердин жоктугу менен байланыштуу", — деди Бакиров.
Ошондой эле адис учурда спортчулар июнь айында Түштүк Кореяда өтө турчу парапауэрлифтинг боюнча Азия чемпионатына кызуу даярданып жаткандыгын кошумчалады.
Жаңылыктар түрмөгү
0