Радиостудия Sputnik Кыргызстан в Бишкеке - Sputnik Кыргызстан, 1920
Радио

Егембердиев: өлкөдө ышка каршы күрөшүү боюнча комиссия иштеп жатат

© Sputnik / Табылды КадырбековБишкек шаарынын мэриясына караштуу Шаардык чарба департаментинин башчысы Тилек Егембердиев
Бишкек шаарынын мэриясына караштуу Шаардык чарба департаментинин башчысы Тилек Егембердиев - Sputnik Кыргызстан, 1920, 26.04.2022
Жазылуу
Бишкек шаарынын мэриясына караштуу Шаардык чарба департаментинин башчысы Тилек Егембердиев республикада ышка каршы күрөшүү боюнча комиссия иштеп жатканын айтты.
Көмүрдүн сапатынын начардыгы, шаардагы иретсиз курулуш, ЖЭБ, унаалардан чыккан газ Бишкектин абасын булгап жатат. Учурда бул маселелерди чечүү үчүн мэрия комплекстүү жумуштарды аткарууда. Бул тууралуу Тилек Егембердиев Sputnik Кыргызстан радиосунда маек куруп жатып билдирди.
Егембердиев: өлкөдө ышка каршы күрөшүү боюнча комиссия иштеп жатат
Анын айтымында, Бишкекте 54 конуш болсо, 2021-жылы жалпы 27 конуш (18 389 үй) газ менен камсыз болгон. Бул иштер уланууда.
"Бишкек шаарынын мэриясы түтүндү азайтуу боюнча бардык иш-чараларга активдүү катышууда. Алсак, бак-дарактар отургузулуп, ишембиликтер өтүп, "Бишкек жашыл чарбанын" иши системалуу жүрүүдө. 2021-жылы 130 миң бак-дарак отургузулса, быйыл 140 миң көчөт тигилди. "Жашыл мурас" өнөктүгүнүн алкагында апрель ишембилик айы деп жарыяланып, ар ишемби 500гө жакын уюм социалдык объектилерди тазалап, жашылдандырып жатат. Андан тышкары, мектептерди, бала бакчаларды жана башка муниципалдык имараттарды жылытуу үчүн экологиялык технологиялар киргизилүүдө. Капиталдык курулуш башкармалыгы былтыр бир мектептин от казанын жаратылыш газына өткөрдү, быйыл төрт мектеп газ менен жылытууга которулат. Мындан тышкары, газ жана электр энергиясы менен жүргөн коомдук транспортторду көбөйтүү программасы ишке ашырылууда. Ага ылайык, Беларусь мамлекети менен макулдашуулар жүрүп, жылдын аягына чейин этап-этабы менен жалпы 500дөй автобус алып келинет", — деди Егембердиев.
Ал абаны булгаган Бишкектеги таштанды таштоочу жайды жабуу жана рекультивациялоо иштери боюнча жумуштар аткарылып жатканын кошумчалады.
Жаңылыктар түрмөгү
0