Радиостудия Sputnik Кыргызстан в Бишкеке - Sputnik Кыргызстан, 1920
Радио

Сагынбаев: фламинго кээде гана Ысык-Көлгө келип калат

© Sputnik / Асель АкматалиеваУлуттук илимдер академиясына караштуу Сапаш Касиев атындагы зоологиялык музейдин жетекчиси Сейитказы Сагынбаев
Улуттук илимдер академиясына караштуу Сапаш Касиев атындагы зоологиялык музейдин жетекчиси Сейитказы Сагынбаев - Sputnik Кыргызстан, 1920, 25.04.2022
Жазылуу
Улуттук илимдер академиясына караштуу Сапаш Касиев атындагы зоологиялык музейдин жетекчиси Сейитказы Сагынбаев кызыл тумшук фламинго Кыргызстанды байырлабай турганын айтты.
Кызыл тумшук фламингого биздин өлкөнүн климаты туура келбейт. Бул тууралуу Сейитказы Сагынбаев Sputnik Кыргызстан радиосунда маек куруп жатып билдирди.
Сагынбаев: фламинго кээде гана Ысык-Көлгө келип калат
Анын айтымында, фламинго канаттуулардын эң байыркыларына кирип, динозаврлар доорунан бери жашап келе жаткан куш болуп эсептелет.
"Кызыл тумшук фламинго байырлаганга тоолуу өлкөнүн климаты туура келбейт. Ошентсе да кээ бир жылдары бирин-экин адашкандары Ысык-Көлгө учуп келип, уялап калганын кезиктирип жатабыз. Фламинго омурткасыз, өтө майда жандыктар менен тамактанат. Көлчүктөрдөгү чымын, чиркейлердин личинкалары — негизги тамагы. Ал эми бизде мындай чоң көлчүктүү аймак жок. Алар чалчык сууларды буту менен тепкилеп, тамагын таап жейт. Фламингого туздуу суулуу жерлер ылайыктуу. Ошентсе да бизге эрте жазда учуп келип, кыш түшкөнгө чейин туруп калгандары болууда. Аларды дароо сүрөткө тартып, коомчулукка жарыялап жиберип жатышат. Мен ушундай кадамдарга барбоого чакырат элем. Анткени ансыз деле аларга бизде жашоо ыңгайсыз, анан да биз тынчын ала берсек канаттуулар олуттуу зыян тартып калышы ыктымал", — деди Сагынбаев.
Орнитолог Ысык-Көл аймагына айрым жылдары 12-16дай кызыл тумшуктуу фламинго учуп келип жатканын кошумчалады.
Жаңылыктар түрмөгү
0