Ак үйдүн алынган тосмосу ооруканага орнотулабы? Министрликтин жообу

© Sputnik / Табылды КадырбековАк үйдүн айланасындагы тосмону алуу иштери. Архив
Ак үйдүн айланасындагы тосмону алуу иштери. Архив - Sputnik Кыргызстан, 1920, 23.04.2022
Жазылуу
Жогорку Кеңештин имаратын курчап турган тосмо 2020-жылдын ноябрында алып салынган.
БИШКЕК, 23-апр. — Sputnik. Ак үйдүн короосунан алып салынган тосмолор Эне жана баланы коргоо улуттук борборунун имаратынын алдына орнотулбайт. Бул тууралуу Саламаттык сактоо министрлигинин маалымат кызматы билдирди.
Буга чейин социалдык тармактарда аталган оорукана Ак үйдүн тосмолору менен курчала турганын жазышкан.
Маалыматка ылайык, медициналык мекеменин азыркы жетекчилиги аны орнотууга каршы чыккан. Себеби оор конструкцияларды карматуучу каражаттарды алып, орнотуу иштери кымбатка түшөт. Тосмону оорукананын мурдагы жетекчилиги койдургусу келгени белгиленди.
Министрлик президенттин иш башкармалыгы тосмолорду оорукананын аймагынан алып кетерин кошумчалады.
Белгилей кетсек, Аскар Акаев президент болуп турган кезде орнотулган Ак үйдүн алдындагы тосмо 2020-жылдын ноябрь айында алып салынган. Бийлик муну менен "элге ачык" болгусу келгенин жарыялаган. Тосмонун бир аз гана бөлүгү калган, анда 2010-жылдагы апрель окуясында каза болгондордун аты-жөнү жазылган такта бар.
Жогорку Кеңешти (Ак үй) курчоо үчүн курулган тосмонун пайдубалы алынууда - Sputnik Кыргызстан, 1920, 29.03.2022
Ак үйдүн тегерегиндеги тосмонун пайдубалы түртүлүп жатат. Видео, сүрөт
Жаңылыктар түрмөгү
0