Унаа токтоткон жайда эреже бузгандарды байкасаңыз чалыңыз! Телефондор
10:07 20.04.2022 (Жаңыртылды: 10:08 20.04.2022)
Жазылуу
Мэрия муниципалдык унаа токтотуучу жайлар кайда жайгашканын да тизмектеп берди.
БИШКЕК, 20-апр. — Sputnik. Бишкек мэриясы муниципалдык унаа токтотуучу жайларда эреже бузуулар болсо кайда кайрылуу керектигин айтты.
Эгер шаардыктар муниципалдык унаа токтотуучу жайларда эреже бузууларды байкаса, маселен, оператор атайын жилет кийбесе же талон бербесе, анда төмөнкү номерлерге жазып же чалса болот:
"Бишкектеги унаа токтотуучу жайлар" муниципалдык ишканасынын WhatsApp-номери 0 (703) 88-70-07;
Бишкекте Милициянын кайгуул кызматынын WhatsApp-номери — 0 (509) 10-21-22.
Муниципалдык унаа токтотуучу жайлардын дареги:
Киев көчөсүнүн Жаш гвардия проспектинен Кулиев көчөсүнө чейинки бөлүгү;
Бейшеналиева көчөсүнүн Москва көчөсүнөн Рыскулов көчөсүнө чейинки бөлүгү;
Токтогул көчөсүнүн Жаш гвардия проспектинен Ала-Арча суусунан өткөн көпүрөгө чейинки бөлүгү;
Кулиев көчөсүнүн Токтогул көчөсүнөн Чүй проспектине чейинки бөлүгү;
Безымянная көчөсүнүн Юнусалиев көчөсүнөн Жукеев-Пудовкин көчөсүнө чейинки бөлүгү;
Жукеев-Пудовкин көчөсүнүн Безымяннаядан Сүйөркуловго чейинки бөлүгү;
Сүйөркулов көчөсүндө (Жукеев-Пудовкин көчөсү);
Кулатов көчөсүнүн Ибраимов көчөсүнөн Матросов көчөсүнө чейинки бөлүгү;
Сүйүмбаев көчөсүнүн Чүй проспектинен Огонбаев көчөсүнө чейинки бөлүгү;
Исанов көчөсүнүн Чүй проспектинен Киев көчөсүнө чейинки бөлүгү;
Ибраимов көчөсүнүн Москва көчөсүнөн Токтогул көчөсүнө чейинки бөлүгү;
Клубный кууш көчөсү ("Сары-Өзөн" базары);
Курманжан датка көчөсүнүн Жибек жолу проспектинен Славянский кууш көчөсүнө чейинки бөлүгү;
Токтогул көчөсүндө "Мото" соода борборунун жанында;
Шопоков көчөсүнүн Москва көчөсүнөн Жибек жолу проспектине чейинки бөлүгү;
Бобулов көчөсүнүн Чүй проспектинен Пушкин көчөсүнө чейинки бөлүгү;
"Мадина" базарында (жаңы жол);
Бөкөнбаев көчөсүнүн Абдрахманов көчөсүнөн Үсөнбаев көчөсүнө чейинки бөлүгү;
Киев көчөсүнүн Манас проспектинен Керимбеков көчөсүнө чейинки бөлүгү;
Киев көчөсүнүн Исанов көчөсүнөн Тоголок Молдо көчөсүнө чейинки бөлүгү.
Муниципалдык унаа токтотуучу жайлардын иштөө убактысы саат 8:00дөн 20:00гө чейин. Бирдиктүү тариф — 25 сом.
