Asia Mall соода борборунда Донбасс боюнча тасмалар көрсөтүлбөй турган болду

© Sputnik / Александр Кряжев / Медиабанкка өтүүКинотеатр. Архив
Кинотеатр. Архив - Sputnik Кыргызстан, 1920, 13.04.2022
Жазылуу
Үч тасма "Время правды" кинофестивалынын алкагында 15-17-апрель аралыгында коомчулукка көрсөтүлүшү керек эле.
БИШКЕК, 13-апр. — Sputnik. Asia Mall соода борборундагы "Бродвей" кинотеатрында анонсу жарыяланган Донбасс окуялары боюнча тасмалар көрсөтүлбөй турган болду.
"Окраина", "Солнцепек" жана "Ополченочка" аталышындагы тасмалар "Время правды" кинофестивалынын алкагында 15-17-апрель аралыгында коомчулукка көрсөтүлүшү керек эле.
"Гармония" маданий борбору" коомдук бирикмесинин президенти, уюштуруучулардын бири Александр Степанюк билдиргендей, бүгүн кинотеатрдын директору тасмаларды көрсөтүүдөн оозеки баш тарткан. Ал ошондой эле соода борбордун директоруна коммерциялык эмес уюмдар кайрылып, тасмаларды көрсөттүрбөө талабын коюшканын билдирди.
"Алар эгер кинотеатр тасмаларды көрсөтө турган болсо соода борбордогу чет элдик дүкөндөрдүн франшизасын алып коерун айтып коркутушуптур. Бул мурда болуп көрбөгөндөй цензурадан кабар берет. Сөз эркиндиги үчүн күрөшкөндөрдүн мындай кадамга барышы жийиркеничтүү", — деди ал.
Степанюк Бишкекте бул кинотасмалар сөзсүз көрсөтүлө турганын, убакыт-сааты менен дареги жакында айтыла турганын кошумчалады.
Соода борбордон аталган тасмалар көрсөтүлбөй турганын тастыкташты. Алар Asia Mall саясаттан тышкары экенин билдирип, мындай чечим эч кандай басымы жок эле кабыл алынганын билдиришти.
Уюштуруучулар бул фильмдерди Pravda.kg сайтынан онлайн жана бекер көрсө болорун кошумчалашты.
  - Sputnik Кыргызстан, 1920, 12.04.2022
Кыргызстандын шаарларында Донбасс боюнча тасмалар көрсөтүлөт. Расписание
Жаңылыктар түрмөгү
0