Бишкекте дуатлон мелдеши өтүп, эки көчө жабылат

© Фото / пресс-служба мэрии города БишкекБишкектеги дуатлон. Архив
Бишкектеги дуатлон. Архив - Sputnik Кыргызстан, 1920, 13.04.2022
Жазылуу
Шаар жетекчилиги ыңгайсыздыктар үчүн айдоочулардан кечирим сурап, өз маршрутун алдын ала пландап алууга чакырат.
БИШКЕК, 13-апр. — Sputnik. 17-апрель күнү Бишкекте спорттун дуатлон түрү боюнча мелдеш өткөрүлөт. Мындан улам эки көчөдө кыймыл убактылуу чектелерин мэриядан билдиришти.
Иш-чара шаардын түштүк тарабындагы "Ынтымак" сейил багында болот деп пландалгандыктан, Масалиев көчөсү менен Айтматов прокпекти жабылат.
Тагыраагы, мелдештин велосипед тебүү этабын өткөрүп алуу үчүн саат 7:10дон 12:30га чейин Масалиев көчөсүнүн батыш тарабы (Айтматов проспектинен Байтик баатыр көчөсүнө чейин), ошондой эле Токтоналиев көчөсүнүн Безымяннаядан Масалиевге чейинки бөлүгүндө жол жабылат. Масалиев көчөсүнүн чыгыш тарабы батышты көздөй бара жаткан автоунаалар үчүн гана ачык болот.
Шаар жетекчилиги ыңгайсыздыктар үчүн айдоочулардан кечирим сурап, өз маршрутун алдын ала пландап алууга чакырат.
Чүй проспектиси менен Абдрахманов көчөсүнүн кесилишиндеги Бишкек почтамттын аймагын жакшыртууну сунуштап жатат - Sputnik Кыргызстан, 1920, 11.04.2022
Архитекторлор Бишкек курантынын тегерегин жакшыртууну сунуштады. Эскиздер
Жаңылыктар түрмөгү
0