Уруп, коркутуп артка кайтарууда. Бишкекте №260 маршрутка каттамга чыкпай жатат

© Sputnik / Руслан Кривобок / Фотобанкка өтүүМаршуткалардын токтоочу жайы. Архив
Маршуткалардын токтоочу жайы. Архив - Sputnik Кыргызстан, 1920, 12.04.2022
Жазылуу
Yandex newsTelegram
Айдоочулардын бир тобу иштеп жаткан маршруткалардан жүргүнчүлөрүн түшүрүп артка кайтарууда.
БИШКЕК, 12-апр. — Sputnik. Бүгүн эртең менен Бишкекте №260 маршруттук каттамдын айдоочулары жумушка чыкпай койду. Бул туурасында Sputnik Кыргызстанга күбө билдирди.
Алардын айтымында, маршруткачылардын бир бөлүгү башка айдоочуларды иштетпей урушуп, ичиндеги жүргүнчүлөрүн түшүрүп артка кайтарууда.
"Маршрутканын акыркы токтогон жери Арча-Бешик конушунда каттамды жүргүзбөй, эл салып кетип жаткан айдоочуларды жолдон тосуп, жүргүнчүлөрдү түшүрүп, айдоочуларды артка кайтартууда. Чуу салып, кыйкырып, сөгүп жатышат. "Мындан ары биз менен иштейсиңерби? Иштесеңер артка кайткыла" деп коркутуп кетирди. Канча деген эл көчөдө турат. Көзөмөл кылчулар барбы?" — деп кайрылды күбө.
Аталган каттамды ишке ашырган "Талкут" фирмасынын директору Майрамбек Жекшенов айдоочулардын бир тобу жетекчиликти алмаштыруу үчүн ушундай кадамга барып жатышканын айтууда.
"Башка айдоочуларды чыгарсам бул жактагылар уруп, коркутуп, кубалап жатыптыр. Муну уюштурган кишилерди эл сүрөт, видеого тартып алган экен, азыр милиция чакырып жатам. Алардын максаты — каттамга өздөрү ээлик кылып, иштетүү. Ал айдоочулар буга чейин да митингдерди уюштуруп жүргөн. Жакында эле бирөөсү жүргүнчү чал менен кемпирди сөгүп салыптыр. Ал арызданган экен, мени мэрияга чакырышкан. Ошондо мен ага катуу эскертүү берген элем. Муну да шылтоо кылып жатат азыр", — деди Жекшенов.
Бишкек мэриясынын Транспорт жана жол-транспорт инфраструктурасын өнүктүрүү департаментинин маалымат кызматы бул жагдайды териштирүү үчүн тиешелүү кызматкерлер жөнөп кеткенин билдирип, бир аздан кийин маалымат берүүнү убадалады.
Белгилей кетсек, 25-март күнү дагы №260 каттамдын айдоочулары жумушка чыкпай коюшкан.
Маршруттук таксинин айдоочусу. Архив - Sputnik Кыргызстан, 1920, 24.01.2022
Бишкекте эки маршруттук линия өзгөтүлдү
Жаңылыктар түрмөгү
0