Радиостудия Sputnik Кыргызстан в Бишкеке - Sputnik Кыргызстан, 1920
Радио

Аламанов: 54 дарыя, суунун сапаты илимий негизде текшерилди

© Sputnik / Табылды КадырбековИлимдер академиясына караштуу Муса Адышев атындагы Геология институтунун география бөлүмүнүн башчысы, география илимдеринин кандидаты Саламат Аламанов
Илимдер академиясына караштуу Муса Адышев атындагы Геология институтунун география бөлүмүнүн башчысы, география илимдеринин кандидаты Саламат Аламанов - Sputnik Кыргызстан, 1920, 10.04.2022
Жазылуу
Илимдер академиясына караштуу Муса Адышев атындагы Геология институтунун география бөлүмүнүн башчысы, география илимдеринин кандидаты Саламат Аламанов өлкө аймагындагы суунун сапаты текшерилгенин айтты.
Геология институтунун география бөлүмүнүн окумуштуулары тарабынан өлкөнүн жер жана сууну изилдөө, аны туура колдонуу боюнча акыркы үч жылдагы эмгеги жарык көрөт. Бул тууралуу Саламат Аламанов Sputnik Кыргызстан радиосунда маек куруп жатып билдирди.
Аламанов: 54 дарыя, суунун сапаты илимий негизде текшерилди
Анын айтымында, республика аймагында миңдеген гектар жер колдонулбай, жер алдындагы суулардын абалы каралбай калган.
"География илиминде чечилбей жаткан абдан көп маселе бар. Анын көбү каражат маселесине барып такалат. Буга карабастан илимпоздор тарабынан алгылыктуу аракеттер көрүлүп келет. Жер жана сууну изилдөө, аны туура колдонуу жаатында иштер бар. Мисалы, советтик мезгилде колхоздун бир гектар жери иштетилбей калса, башкармасы соттолчу. Учурда 50-100 миңдеген гектар жер колдонулбай турат деп айтылып жатат. Элди аралап, бул маселенин күнгөй-тескейин билгенде анын 20дай себеби бар экени белгилүү болду. Алсак, таштак, шор баскан, жер астынан суу чыккан жерлер бар. Чет элдик өнөктөштөрдүн жардамы менен Кыргызстандын аймагындагы 54 дарыя, суунун сапаты текшерилди. Ар бир мезгилде суунун сапатынын өзгөрүшү изилденип, жакында жыйынтыгы белгилүү болот", — деди Аламанов.
Ошондой эле адис география тармагында адистерди даярдоого мамлекет тарабынан көңүл бурулса, илимдин өнүгүшүнө өбөлгө түзүлөрүн кошумчалады.
Жаңылыктар түрмөгү
0