Россиядагы ЖОЖдо окугусу келгендер үчүн пайдалуу видео. Түшүндүрмө

@sputnik.kyrgyzstan Чет өлкөдө окугуң келгени менен каражатың жокпу? Анда россиялык университеттердин көргөзмөсүнө катыш. #университет #билим #абитуриент #россия ♬ оригинальный звук - Sputnik Кыргызстан
Жазылуу
Кыргызстандыктар Россиядагы алдынкы ЖОЖдорго кантип тапшырса болот? Кандай адистиктерди тандоого мүмкүнчүлүк бар? Бюджеттик орун канча? Бул туурасында бүгүн Бишкекте ачылган көргөзмөдө кеңири айтып берет. Эгер кызык болсо, биздин видеого көз салыңыз.
Касымалы Баялинов атындагы балдардын жана өспүрүмдөрдүн республикалык китепканасында "Россияда билим алуу — 2022" деп аталган көргөзмө өтүүдө.
Ага 30дан ашуун алдынкы университеттер катышууда, арасында Москванын, Санкт-Петербургдун, Екатеринбургдун жана башка шаарлардын ири окуу жайлары бар.
Иш-чараны "Москва классиктери" деп аталган коомдук фонд Россотрудничество агенттигинин Кыргызстандагы өкүлчүлүгү, КРдин Билим берүү жана илим министрлиги, Бишкек шаарынын билим берүү башкармалыгы, Баялинов атындагы китепкана менен биргеликте уюштурду.
Бишкекте көргөзмө 7-апрелге чейин саат 10:00дөн 17:00гө чейин өтөт. Болочоктогу абитуриент россиялык ЖОЖго тапшыруу боюнча программа менен таанышып, өзүнүн билим деңгээлин текшериш үчүн тесттен бекер өтө алат.
8-апрелде көргөзмө Кантта саат 10:30дан 17:00гө (№4 мектеп гимназия, дареги – Абраимов көч. 1) чейин болот.
9-апрелде Кочкор менен Нарында ("Хан-Теңир" отелинин конференц-залында) 14:00дөн 17:00гө чейин уланат.
Андан сырткары, Бишкек, Токмок, Шопоков жана Кара-Балта шаарларында абитуриенттер менен кесипке багыт берген жолугушуулар, билим берүү программаларын тааныштыруу, предметтик тесттен өткөрүү жана жогорку билим алуу боюнча кеп-кеңештер берилет.
Көргөзмө акысыз жана анын алкагында каалаган иш-чарага катышса болот.
Жаңылыктар түрмөгү
0