Марат Алышпаевдин сөөгү айылына эмес "Ала-Арча" көрүстөнүнө коюлмай болду

© Фото / из личного архива Марата Алышпаева КР эл артисти Марат Алышпаев. Архив
 КР эл артисти Марат Алышпаев. Архив - Sputnik Кыргызстан, 1920, 04.04.2022
Жазылуу
Буга чейин театр актёрдун сөөгү кичи мекенинде жерге берилерин билдирген.
БИШКЕК, 4-апр. — Sputnik. КР эл артисти Марат Алышпаевдин сөөгү "Ала-Арча" көрүстөнүнө коюлат. Бул тууралуу Кыргыз улуттук академиялык драма театры кабарлады.
"Марат Усеновичти акыркы сапарга узатуу зыйнаты эртең, 5-апрелде, саат 12:00дө театрда өтө турган болду. Эл артистинин сөөгү Бишкектеги "Ала-Арча" көрүстөнүнө коюлат", — деп айтылат маалыматта.
Буга чейин театр актёрду акыркы сапарга узатуу бүгүн, 4-апрелде, болуп, андан соң сөөгү кичи мекенинде жерге берилерин билдирген. Бирок маалымат кайра өзгөргөнүн кабарлады.
КР эл артисти Марат Алышпаев быйыл 75 жашка чыкмак. Ал 1947-жылы 17-декабрда Ысык-Көл облусунун Жети-Өгүз районундагы Саруу айылында туулуп, элеттеги мектепти 1965-жылы аяктагандан кийин Фрунзе (азыркы Бишкек) шаарындагы Кыргыз улуттук университетинин экономика факультетине тапшырган. Ортодон Москвадагы театралдык институтуна сынак аркылуу өтүп кеткен.
Таланттуу актёр Шаршен Термечиков атындагы Чүй облустук куудулдар театрын негиздеп, 2003-жылы Касымалы Жантөшев атындагы Ысык-Көл облустук музыкалык драма театрынын директору, Маданият жана маалымат министрлигинин Искусствону өнүктүрүү башкармалыгынын жетекчиси болуп эмгектенген.
Жаңылыктарды кыска жана ыкчам окугуңуз келсе Telegram-каналыбызга катталыңыз.
Кыргыз эл артисти, Кыргыз ССРинин эмгек сиңирген артисти Марат Алышпаев - Sputnik Кыргызстан, 1920, 17.12.2019
Момун чалды 10 жыл бою ойногон. Актер Марат Алышпаев жөнүндө 6 факты
Жаңылыктар түрмөгү
0