Быйыл "Оскар" сыйлыгы кимдерге буюрду? Тизме

© AFP / STEFANI REYNOLDS "Оскар" сыйлыгы
 Оскар сыйлыгы - Sputnik Кыргызстан, 1920, 28.03.2022
Жазылуу
Быйыл "Оскар" сыйлыгына жалпысынан 38 чыгарма сунушталган. Сегиз номинация боюнча жеңүүчүлөр сыйлык тапшыруу аземине чейин эле жарыяланган.
БИШКЕК, 28-мар. — Sputnik. Лос-Анжелес шаарында Америка кинематография искусствосу жана илимдери академиясынын "Оскар" сыйлыгын тапшыруу аземи болуп өттү. Sputnik жеңүүчүлөрдүн тизмесин сунуштайт.
Уилл Смит — мыкты актёр
"Король Ричард" биографиялык фильминде ал айтылуу теннисчилер Винус жана Серена Уильямстын атасынын образын жараткан.
Жессика Честейн — мыкты актриса
Тележылдыз Тэмми Фэй Беккер тууралуу "Глаза Тэмми Фэй" тасмасындагы ролу үчүн.
Мыкты тасма
Режиссёр Шан Хейдердин "CODA: Ребенок глухих родителей" тасмасына берилди. Жюжетте дудуктардын үй-бүлөсүндө жалгыз сүйлөгөн адам болуп чыккан 17 жаштагы кыз тууралуу айтылат.
Мыкты режиссёр
Америкалык киноакадемия бул наамды режиссёр Жейн Кэмпионго ыйгарды. Ал жазуучу Томас Сэвидждин калемине таандык "Власть пса" романынын негизинде ушундай эле аталыштагы тасма тарткан.
Экинчи пландагы мыкты ролдор
Эркектин экинчи пландагы мыкты ролу номинациясын "CODA: ребенок глухих родителей" тасмасындагы образы үчүн Трой Коцур алса, аялдар арасында мындай сыйлыкка "Вестсайдская история" мюзиклиндеги ролу үчүн Ариана ДеБос татыды.
Мыкты чет элдик тасма
Япониялык режиссёр Рюсукэ Хамагутинин "Сядь за руль моей машины" тасмасы жеңишке жетти.
Мыкты анимациялык фильм
Disney кинокомпаниясында тартылган "Энканто" мультфильми "Толук метраждуу анимациялык фильм" номинациясында алдына эч кимди салган жок.
Билли Айлиш — тасмадагы мыкты ыр
Ырчы Билли Айлиш Жеймс Бонд тууралуу соңку тасма болуп эсептелген "Не время умирать" фильминдеги ыры үчүн "Оскарга" татыды.
Америкалык актёр Уилл Смит Оскар жана алып баруучу Крис Рок  - Sputnik Кыргызстан, 1920, 28.03.2022
Уилл Смит "Оскар" тапшырууда аялын тамашалаган алып баруучуну бир чапты. Видео
Жаңылыктар түрмөгү
0