Өкмөт салыктан бошоткон 8 млн. сомдук босого чекти көтөрүүнү пландап жатат

© Sputnik / Жоомарт УраимовСом купюралары жана монеталары. Архив
Сом купюралары жана монеталары. Архив - Sputnik Кыргызстан, 1920, 18.03.2022
Жазылуу
Депутат чакан ишкерлерге коюлган чекти 10 миллион сомго чейин көтөрүүнү сунуштады.
БИШКЕК, 18-мар. — Sputnik. Ишкерлерди салыктан бошото турган жүгүртүүдөгү 8 миллион сомдук босого чекти дагы көтөрүү пландалууда. Бул тууралуу экономика жана коммерция министринин орун басары Искендер Асылкулов билдирди.
Бүгүн "Ата-Журт Кыргызстан" фракциясынын жыйынында депутат Шаирбек Ташиев инфляциядан улам босого чекти көтөрүүнү сунуштады.
"8 миллион сомдук чек жыл башында коюлган да, анда доллардын курсу башкача эле. Азыр инфляция, дүйнөлүк кризис болуп жатат. Ушул чекти 10 миллион сомго көтөрүп койсо болобу же болбойбу? Азыр баалар көтөрүлдү, кичине эле товар саткан болсоң 8 миллион сомго жетип жатат", — деди Ташиев.
Асылкулов азыркы күндө жаңы Салык кодексине бир жылдык өзгөртүүлөр даярдалып, ошонун алкагында каралып жатканын айтты. Ага ылайык чакан бизнестин 8 миллион сомдук, бирдиктүү салык төлөчү орто бизнестин 30 миллион сомдук босого чегин дагы көтөрүү пландалууда.
Белгилей кетсек, жаңы Салык кодекси боюнча ишкерлердин бир айлык соода жүгүртүүсү 8 миллион сомдон ашпаса салыктын бардык түрүнөн бошотулат.
Жаңылыктарды кыска жана ыкчам окугуңуз келсе Telegram-каналыбызга катталыңыз.
Сейфтеги сом купюралары. Архив - Sputnik Кыргызстан, 1920, 15.03.2022
Мүлкүн жашырган адамдарга мунапыс берүү боюнча мыйзам долбоор чыкты. Шарттары
Жаңылыктар түрмөгү
0