Эки бир тууган УКМК кызматкерине пара сунуштап кармалды. Видео

© Sputnik / Рамиль Ситдиков / Медиабанкка өтүүКишенчен адамдар. Архив
Кишенчен адамдар. Архив - Sputnik Кыргызстан, 1920, 07.03.2022
Жазылуу
Экөөнү быйылкы жылдын 5-мартында кармашкан. Учурда тергөө иштери жүрүп жатат.
БИШКЕК, 7-мар. — Sputnik. Иши тергөөдө жүргөн адам жана анын бир тууганы УКМКнын кызматкерине пара берип жаткан жеринен кармалды. Бул тууралуу УКМКнын маалымат кызматы кабарлады.
Мурда ал чек ара аркылуу Казакстанга жалпы салмагы 11,51 кг баңгизат алып өтүүгө аракет кылганда колго түшүрүлгөн.
Алгач анын Кылмыш-жаза кодексинин 282-беренесинин 2-бөлүмү ("Баңги каражаттарын, психотроптук заттарды жана алардын окшошторун сатуу максатында мыйзамсыз даярдоо") менен козголгон кылмыш ишине оң чечим чыгаруу үчүн УКМК кызматкерине 30 000 доллар сунуштаганы кабарланды.

"2022-жылдын 5-мартында жүргүзүлгөн атайын ыкчам-иликтөө иш-чараларынын натыйжасында Коопсуздук комитетинин кызматкерине 2 миллион 745 миң сом жана 2 миң доллар пара берип жаткан учурда А.М.А., анын бир тууганы А.Н.А. кармалды", — деп айтылган таратылган билдирүүдө.

Учурда козголгон кылмыш ишинин алкагында тиешелүү тергөө-ыкчам иш-чаралары жүргүзүлүп жатат.
УКМК кызматкеримин деп пара талап кылган шектүү кармалды - Sputnik Кыргызстан, 1920, 05.03.2022
УКМК кызматкеримин деп 300 миң сом талап кылган шектүү кармалды. Сүрөт
Жаңылыктар түрмөгү
0