Балыкчы — Кочкор — Кара-Кече темир жолунун долбоорун иштеп чыгуу башталды

© Sputnik / Павел Львов / Медиабанкка өтүүТемир жол куруу. Архив
Темир жол куруу. Архив - Sputnik Кыргызстан, 1920, 04.03.2022
Жазылуу
Долбоорлоо-изилдөө институттары менен тармактык адистердин "Балыкчы — Кочкор" темир жол участогун куруу долбоорунун техникалык-экономикалык негиздемесине киришкенин айтышты.
БИШКЕК, 4-мар. — Sputnik. Балыкчы — Кочкор — Кара-Кече темир жолун куруу боюнча иштин заказчысы болуп "Кыргыз темир жолу" улуттук компаниясы" мамлекеттик ишканасы аныкталды. Тийиштүү чечимге министрлер кабинетинин төрагасы Акылбек Жапаров кол койгонун өкмөттүн маалымат кызматынан кабарлашты.
"Чечим темир жол тармагын өнүктүрүү, Кара-Кече күрөң көмүр кенин иштетүүдө транспорттук камсыздоо жана республика менен аймактарынын экономикасын өнүктүрүү максатында кабыл алынган", — деп билдирди маалымат кызматы.
Документке ылайык, Балыкчы — Кочкор — Кара-Кече темир жолун куруу боюнча башкы подрядчы эми "Кыргыз темир жолу" улуттук компаниясынын "Көпүрө куруу отряды" мамлекеттик ишканасы болот.
Белгилесек, темир жол тармагын өнүктүрүү боюнча милдеттер 2026-жылга чейин Кыргызстанды өнүктүрүүнүн Улуттук программасын ишке ашыруу боюнча министрлер кабинетинин иш-чараларынын планына киргизилген.
"Балыкчы — Кочкор — Кара-Кече" долбоорун ишке ашыруунун биринчи этабы болуп узундугу 63 чакырым "Балыкчы — Кочкор" темир жол участогун куруу пландалууда.
Өкмөттөн долбоорлоо-изилдөө институттарын жана тармактык адистерди тартуу менен "Балыкчы — Кочкор" темир жол участогун куруу долбоорунун техникалык-экономикалык негиздемесин иштеп чыгуу иштери жүрүп жатканын кошумчалашты.
Темир жол. Архив - Sputnik Кыргызстан, 1920, 20.12.2021
Садыр Жапаров Балыкчы-Бостери темир жолу куруларын айтты
Жаңылыктар түрмөгү
0