Кыргыздын азыгына, маданиятына кызыккан арабдар. Эр-Рияддагы көргөзмөдөн видео

Жазылуу
Сауд Аравиянын Эр-Рияд шаарындагы Digital City көп функционалдуу комплексинин аймагында Кыргызстандын продукциясынын көргөзмө-жарманкеси болуп өттү.
Сауд Аравиядагы элчи Улукбек Марипов иш-чаранын кызыктуу учурларын чагылдырган видеону жүктөгөн.
Жарманке Кыргызстандын ата мекендик продукцияларын илгерилетүү, Сауд Аравиянын бизнес-чөйрөсүнөн инвестиция тартуу жана биргелешкен ишканаларды түзүү үчүн уюштурулган.
"Биздин мекендештерибиз туризм тармагындагы фото жана видеоматериалдарды, ошондой эле башка азыктарын, буюмдарын жана кызматтарын көрсөтүү менен саудиялыктарга республиканын туристтик потенциалы менен мүмкүнчүлүктөрүн көрсөтө алды", — деп жазды Марипов.
Ал мындай иш-чаралар өлкө маданиятын жайылтып, кыргыз-сауд кызматташтыгынын потенциалын ача алат деген ишенимин билдирген.
Көргөзмө-жарманке 24-27-февраль күндөрү КРдин Инвестициялар жана өнүктүрүү агенттиги тарабынан уюштурулган. Жарманкеге катышкан компаниялар Кыргызстандын продукциясын гана таанытпастан, Сауд Аравиянын бизнес-чөйрөсү менен инвестиция тартуу жана республикада биргелешкен ишканаларды түзүү максатында ишкердик байланыштарды түзүүгө аракет кылышкан. Көргөзмөнүн жүрүшүндө маданий иш-чаралар да тартууланды.
Жаңылыктар түрмөгү
0