Бүгүн Бишкектин эки округунда “жымжырт күн”, эртең шайлоо өтөт

© AFP 2022 / Vyacheslav OSELEDKOКыргызстанда шайлоого даярдыктар. Архив
Кыргызстанда шайлоого даярдыктар. Архив - Sputnik Кыргызстан, 1920, 26.02.2022
Жазылуу
Yandex newsTelegram
Эки округдан Жогорку Кеңештин депутаттыгына 51 талапкер ат салышууда.
БИШКЕК, 26-фев. — Sputnik. Бүгүн — Биринчи май жана Свердлов округдарында шайлоо алдындагы "жымжырт күн".
Ага ылайык, саат 8:00дөн баштап талапкерлердин үгүт иштери токтотулду. Жарандар эртең, 27-февралда, шайлоого келип жактырган талапкерине добуш беришет.
Мындан тышкары, БШКдан каттоодон өткөн теле, радио, интернет-сайттар, гезит-журналдар аркылуу үгүт материалдарын жарыялоого тыюу салынат. Ушундай эле максатта эл чогултууга дагы болбойт. Көчөлөргө илинген баннерлер да алынышы шарт.
Бардык каржылык операциялар, анын ичинде жеке жана юридикалык жактар менен атайын эсептер боюнча эсептешүү добуш берүүдөн бир күн мурун саат 18:00дө токтотулат.
Мыйзамга каршы үгүт иштери жүргүзүлгөн учур катталса тиешелүү чаралар колдонулат.
Биринчи май округундагы 26, Свердлов округунан 25 талапкер Жогорку Кеңештин депутаттыгына ат салышууда.
Шайлоо бюллетени. Архивдик сүрөт - Sputnik Кыргызстан, 1920, 08.02.2022
Эки округдан депутаттыкка аттанган 52 талапкер бюллетендеги номерин тандады
Жаңылыктар түрмөгү
0