https://sputnik.kg/20220221/shoygu-ukrainanyn-ozoktuk-kural-tuzuu-nieti-boyuncha-aytty-1062247131.html
Адис, технология бар. Шойгу Украинанын өзөктүк курал түзүү ниети жөнүндө айтты
Адис, технология бар. Шойгу Украинанын өзөктүк курал түзүү ниети жөнүндө айтты
Sputnik Кыргызстан
Россиянын Коргоо министри Украина бийлиги Донбасстагы көйгөйдүү чечүү боюнча кандай кадамга барарын боолголоп, пикирин айтты. 21.02.2022, Sputnik Кыргызстан
2022-02-21T23:05+0600
2022-02-21T23:05+0600
2022-02-28T20:37+0600
россия
украина
донбасс
луганск
донецк
сергей шойгу
өзөктүк курал
россиянын донбассты коргоо боюнча атайын операциясы
https://sputnik.kg/img/07e6/02/15/1062245096_0:0:2872:1617_1920x0_80_0_0_2ae1246662de1f9ad53fb79ef1667ec1.jpg
БИШКЕК, 21-фев. — Sputnik. Россиянын коргоо министри Сергей Шойгу Украинанын атомдук курал түзүү боюнча мүмкүнчүлүгү Иран жана Түндүк Кореяга караганда алда канча көп экендигин айтты.Москвада Донецк жана Луганск республикаларындагы абал боюнча Коопсуздук кеңешинин кезектеги жыйыны өттү.Россиянын коргоо министри Донецк жана Луганск облустары менен Украинанын чек арасында 59,3 миң украиналык аскерлер тургандыгын айтты.Анын айтымына караганда, 19-20-февралда Донецк жана Луганск элдик республикаларды 107 ирет аткылашса, анын ичинен оор куралдардан ок жаадырышкан."Мунун баары олуттуу чагымчылдык же Донбасс боюнча күч колдонуу варианттары дардалып жаткандыгынан кабар берет. Диверсиялык топтор менен артиллериянын аракеттеринин жыйынтыгында Донецкиде суу такыр жок, ал эми Луганскинин үчтөн эки бөлүгүндө газ жок. Бул жерге аймакташ жашагандардын баары эвакуация болгонго аргасыз", — деп билдирген министр.Ал Украина өзөктүк куралдуу өлкө макамын кайтарып алгысы келип жаткандыгын эске салган.Ал ДЭР менен ЛЭРдин эгемендүүлүгүн таануу демилгесин колдой тургандыгын айтты.Донбасстагы абал акыркы күндөрү курчуп кетти. ДЭР менен ЛЭР украиналык күч түзүмдөрү тарабынан бир нече ирет аткылоо болгондугун билдиришкен. Аталган республикалардын башчылары Россиянын Ростов облусуна жарандарды убактылуу эвакуациялоо иштери башталгандыгын билдирген. ДЭР башчысы Денис Пушилин Украина президенти Владимир Зеленский жакынкы аралыкта аскерлерге Донбасска басып кирүү боюнча буйрук берерин айткан. Ишемби күнү эки республиканын лидерлери жалпы жарандарды мобилизациялоо туурасында жарлыкка кол койгон.Украинанын чыгышындагы чатак дээрлик сегиз жылдан бери токтобой келет. БУУнун маалыматы боюнча, бул убакыт аралыгында 13 миң адам курман болуп, 44 миң киши жаракат алган.
https://sputnik.kg/20220221/putin-donetsk-zhana-lugansk-boyuncha-chechim-bugun-kabyl-alynaryn-aytty-1062245449.html
https://sputnik.kg/20220221/rossiya-asker-ukraina-mashina-zhok-kylyndy-1062239380.html
украина
донбасс
луганск
донецк
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
россия, украина, донбасс, луганск, донецк, сергей шойгу, өзөктүк курал
россия, украина, донбасс, луганск, донецк, сергей шойгу, өзөктүк курал
Адис, технология бар. Шойгу Украинанын өзөктүк курал түзүү ниети жөнүндө айтты
23:05 21.02.2022 (Жаңыртылды: 20:37 28.02.2022) Россиянын Коргоо министри Украина бийлиги Донбасстагы көйгөйдүү чечүү боюнча кандай кадамга барарын боолголоп, пикирин айтты.
БИШКЕК, 21-фев. — Sputnik. Россиянын коргоо министри Сергей Шойгу Украинанын атомдук курал түзүү боюнча мүмкүнчүлүгү Иран жана Түндүк Кореяга караганда алда канча көп экендигин айтты.
Москвада Донецк жана Луганск республикаларындагы абал боюнча Коопсуздук кеңешинин кезектеги жыйыны өттү.
Россиянын коргоо министри Донецк жана Луганск облустары менен Украинанын чек арасында 59,3 миң украиналык аскерлер тургандыгын айтты.
"Киев, андан сырткары, техниканы топтоп жатат: ал жерде 354 танк, 2 000ден ашуун сооттолгон автоунаа, 820 артиллерия куралы жана минометтор, жалпы ата турган 160 реактивдүү система, "Точка-У" ыкчам-тактикалык ракета комплекси турат. Түнү боюнча бардык багыттарды карай 40тан ашуун атуулар болду. Адистердин баяндаганына таянсак, булар — атуу үчүн алдын ала белгилеп койгон жерлер. Капыстан ок чыгарышкан жок, кайсы жакты мелжеп жаткандыгын алдын ала билишет", — деди Шойгу.
Анын айтымына караганда, 19-20-февралда Донецк жана Луганск элдик республикаларды 107 ирет аткылашса, анын ичинен оор куралдардан ок жаадырышкан.
"Мунун баары олуттуу чагымчылдык же Донбасс боюнча күч колдонуу варианттары дардалып жаткандыгынан кабар берет. Диверсиялык топтор менен артиллериянын аракеттеринин жыйынтыгында Донецкиде суу такыр жок, ал эми Луганскинин үчтөн эки бөлүгүндө газ жок. Бул жерге аймакташ жашагандардын баары эвакуация болгонго аргасыз", — деп билдирген министр.
Ал Украина өзөктүк куралдуу өлкө макамын кайтарып алгысы келип жаткандыгын эске салган.
"Бул өтө коркунучтуу. Украинанын аймагында тактикалык өзөктүк курал пайда болушу мүмкүн, аны "Точка-У" ыкчам-тактикалык ракета комплекси алып жүрүшү мүмкүн. Украинанын атомдук курал түзүү боюнча мүмкүнчүлүгү Иран жана Түндүк Кореяга караганда алда канча көп. СССР убагында мындай куралды жана аны ташып жүрүүчү техниканы жасоого шарттар түзүлгөн. Өлкөдө адистер да, технология да бар", — деп белгилеген Шойгу.
Ал ДЭР менен ЛЭРдин эгемендүүлүгүн таануу демилгесин колдой тургандыгын айтты.
Донбасстагы абал акыркы күндөрү курчуп кетти. ДЭР менен ЛЭР украиналык күч түзүмдөрү тарабынан бир нече ирет аткылоо болгондугун билдиришкен. Аталган республикалардын башчылары Россиянын Ростов облусуна жарандарды убактылуу эвакуациялоо иштери башталгандыгын билдирген. ДЭР башчысы Денис Пушилин Украина президенти Владимир Зеленский жакынкы аралыкта аскерлерге Донбасска басып кирүү боюнча буйрук берерин айткан. Ишемби күнү эки республиканын лидерлери жалпы жарандарды мобилизациялоо туурасында жарлыкка кол койгон.
Украинанын чыгышындагы чатак дээрлик сегиз жылдан бери токтобой келет. БУУнун маалыматы боюнча, бул убакыт аралыгында 13 миң адам курман болуп, 44 миң киши жаракат алган.
21 Бирдин айы 2022, 22:09
21 Бирдин айы 2022, 19:34
