Радиостудия Sputnik Кыргызстан в Бишкеке - Sputnik Кыргызстан, 1920
Радио

Токтошев: канча акча которсо пенсиясы кандай болорун элге түшүндүрүү зарыл

© Sputnik / Табылды КадырбековЖогорку Кеңештин депутаты Эмил Токтошев
Жогорку Кеңештин депутаты Эмил Токтошев  - Sputnik Кыргызстан, 1920, 16.02.2022
Жазылуу
Жогорку Кеңештин депутаты Эмил Токтошев пенсиялык системада жүрүп жаткан реформаларды жетишсиз деп баалады.
Эл азыр "пенсияга чыкканча эмне бар, эмне жок, которбой эле ошол акчаны иштетип салайынчы" деген түшүнүк менен жашайт. Анткени камсыздандыруу тууралуу маалыматы жетишсиз. Мындай пикирин Эмил Токтошев Sputnik Кыргызстан радиосунда маек куруп жатып билдирди.
Токтошев: канча акча которсо пенсиясы кандай болорун элге түшүндүрүү зарыл
Анын айтымында, Социалдык фонд иш берүүчүлөрдү көмүскөдөн чыгаруу үчүн камсыздандырууга которула турган каражаттын пайызын дагы төмөндөтүшү зарыл.
"Учурда пенсиялык камсыздандыруу 27,25 пайызды түзөт. Башкача айтканда, 10 000 сом айлык алган адам 2725 сомун келечектеги пенсиясына которот. Пенсия төлөй албай калуу коркунучу жок болуш үчүн дүйнөлүк стандарттарга ылайык бир пенсионерге үч кызматкер туура келиши керек. Бизде бир пенсионердин пенсиясын бир иштеген адамдын которгон каражаты жабат. Бул кооптуу абалда турабыз дегенди түшүндүрөт. Жумушсуздук күч алган, өндүрүшү чабал биздин мамлекет сыяктуу өлкөдө 27,25 пайыз деген көптүк кылат. Ошондуктан иш берүүчүлөр көмүскө экономикага кетип калууда. Азыр Социалдык фонд камсыздандырууга которуучу каражатты кичи жана орто бизнес үчүн 24 жана 14 пайызга түшүрүүнү сунуштап жатат. Биз мындан да төмөндөтүшүбүз керек. Иш берүүчүлөр толугу менен мыйзам чегинде иштешине шарт түзүшүбүз зарыл. Экинчи маселе элге бул которулган акча мамлекетке эмес, өздөрүнүн келечегине чогултулуп жатканын түшүндүрүш керек. Башкача айтканда, эң жөнөкөй ыкмаларды колдонуу менен адам азыр которгон акчасы 5-10 жылдан кийин канча болот, канча акча кошулат жана пенсияга чыкканда канча сомдон ала баштаарын көрүп, түшүнүп турушу зарыл. Бул стимул берет", — деди Токтошев.
Депутат элге түшүндүрүү иштерин байма-бай жүргүзүп, өздөрү кызыкдар болгон абалга алып келүү заман талабы экенин кошумчалады.
Жаңылыктар түрмөгү
0