"Ысык-Көл" эл аралык аэропортунда жаңы күтүү залы ачылды. Сүрөт
17:48 09.02.2022 (Жаңыртылды: 17:50 09.02.2022)
© Фото / пресс-служба ОАО "МАМ"
Жазылуу
"Баткен" аэропортундагы аэродромдун элементтери реконструкцияланып, "Нарын" аэропортуна жалпы аянты 530 чарчы метр болгон жаңы аэробекет курулары айтылды.
БИШКЕК, 9-фев. — Sputnik. "Ысык-Көл" эл аралык аэропортунда аянты 372 чарчы метр болгон жаңы күтүү залы ачылды. Бул тууралуу "Манас" эл аралык аэропортунун маалымат кызматы кабарлады.
Билдирмеге караганда, жаңы күтүү залы көбүрөөк жүргүнчү кабыл алып, эки жакка каттагандарга ыңгайлуу шарт түзүү максатында курулган. Объект былтыркы жылдын 7-октябрында салынып баштаган. Анын ичинде эне-бала бөлмөсү бар, майып адамдарга да бардык шарттар түзүлгөнү айтылды.
!["Ысык-Көл" эл аралык аэропортунда аянты 372 чарчы метр болгон жаңы күтүү залы ачылды - Sputnik Кыргызстан](https://sputnik.kg/img/07e6/02/09/1061914125_0:341:2730:1878_600x0_80_0_0_7b68476b7d2345090c0f69e5d5acce21.jpg ""Ысык-Көл" эл аралык аэропортунда аянты 372 чарчы метр болгон жаңы күтүү залы ачылды")
1/3
© Фото / пресс-служба ОАО "МАМ"
"Ысык-Көл" эл аралык аэропортунда аянты 372 чарчы метр болгон жаңы күтүү залы ачылды
2/3
© Фото / пресс-служба ОАО "МАМ"
Билдирмеге караганда, жаңы күтүү залы көбүрөөк жүргүнчү кабыл алып, эки жакка каттагандарга ыңгайлуу шарт түзүү максатында курулган
3/3
© Фото / пресс-служба ОАО "МАМ"
Объект былтыркы жылдын 7-октябрында салынып баштаган. Анын ичинде эне-бала бөлмөсү бар, майып адамдарга да бардык шарттар түзүлгөнү айтылды
1/3
© Фото / пресс-служба ОАО "МАМ"
"Ысык-Көл" эл аралык аэропортунда аянты 372 чарчы метр болгон жаңы күтүү залы ачылды
2/3
© Фото / пресс-служба ОАО "МАМ"
Билдирмеге караганда, жаңы күтүү залы көбүрөөк жүргүнчү кабыл алып, эки жакка каттагандарга ыңгайлуу шарт түзүү максатында курулган
3/3
© Фото / пресс-служба ОАО "МАМ"
Объект былтыркы жылдын 7-октябрында салынып баштаган. Анын ичинде эне-бала бөлмөсү бар, майып адамдарга да бардык шарттар түзүлгөнү айтылды
Залдын ачылыш аземине транспорт жана коммуникация министринин биринчи орун басары Алмаз Тургунбаев, Ысык-Көл облусунун башчысы Мирбек Кожоев, Ысык-Көл районунун акими Калыбек Жумадылов, "Манас эл аралык аэропорту" ААК башкаруучулугунун төрагасы Бакыт Шаршеев жана ишкана өкүлдөрү катышкан.
"2021-жылы "Ысык-Көл" аэропортунун өндүрүштүк көрсөткүчү бир нече эсеге өскөн. 2019-жылга салыштырмалуу каттамдардын саны 4,3 эсеге, ал эми жүргүнчүлөрдү ташуу 6, 9 эсеге көбөйгөн. Мындан улам жаңы күтүү залын куруу чечими кабыл алынды. Аэропортто каттам туристтик сезон учурунда жанданат", — деген Шаршеев.
Ысык-Көл облусунун башчысы аэропортторду реконструкция жана модернизациялоо облусту өнүктүрүүдө маанилүү роль ойноорун белгилеген.
"Аймак — туризмдин борбору. Ошол себептен туристтерди жакшы шарт жана инфраструктура менен тосуп алуу маанилүү. Жакында "Каракол" аэропорту модернизациялоо алдында турганы бизди кубантты", — деди Кожоев.
Ал эми Ысык-Көл районунун акими администрациянын атынан жолдун боюна транспорт үчүн эки аялдама куруларын белгилеген.
"Манас эл аралык аэропортунун" маалымат кызматы "Баткен" аэропортундагы аэродромдун элементтери реконструкцияланып, "Нарын" аэропортуна жалпы аянты 530 чарчы метр болгон жаңы аэробекет куруларын кошумчалады.
