Радиостудия Sputnik Кыргызстан в Бишкеке - Sputnik Кыргызстан, 1920
Радио

Психолог: жубайлар түгөйү сүйүүнүн кайсы тилин жактырарын билгени оң

© Sputnik / Табылды КадырбековПедагог-психолог Айнек Муратбекова
Педагог-психолог Айнек Муратбекова  - Sputnik Кыргызстан, 1920, 07.02.2022
Жазылуу
Yandex newsTelegram
Педагог-психолог Айнек Муратбекова психологияда сүйүүнүн беш тили болорун айтты.
Сүйүү, махабаттын беш тили болот. Башкача айтканда, ушунча түрү бар. Алар: мактоо-суктануу, чогуу убакыт өткөрүү, белек берүү, камкордук көрсөтүп жардам берүү жана кучактоо же болбосо кинестетикалык сүйүү. Бул тууралуу Айнек Муратбекова Sputnik Кыргызстан радиосунда маек куруп жатып маалымдады.
Психолог: жубайлар түгөйү сүйүүнүн кайсы тилин жактырарын билгени оң
Анын айтымында, жубайлар бири-бирине сүйүүнүн кайсы түрү жагарын билип алышы керек.
"Жубайлар баш кошконго чейин түгөйү сүйүүнүн кайсы түрүн жактырарын билип алганы дурус. Өзгөчө аялдар төрөгөндөн кийин күйөөсүнөн мурдагыдан эки эседен тарта 10 эсеге чейин көбүрөөк жылуу мамилени талап кылат. Ушул аралыкта келинчеги кантип сүйгөндү жактырарын билсе эркектерге оңой болот. Сүйүүнүн беш тили бар. Анын биринчиси сөз аркылуу берилет. Башкача айтканда, мактоо, суктануу менен. Эркектер мунун мактоо түрүн көбүрөөк жактырышса, аялдарга суктануу керек. Негизи эле аялдар эмоция менен жашагандыктан көпчүлүгү сүйүүнүн ушул тилин жактырат. Айрымдары белек алуу менен өзүн сүйүп жатат деп ишенсе, кээ бирлери колдоо, жардам берүүнү, башкалары кучактап, жетелешкен дене бою менен болгон жакындыкты сүйүп жатат деп түшүнөт. Түгөйүнүн мына ушулардын кайсынысын жактырарын билип алса көптөгөн пикир келишпестиктин алдын алууга жардам болот", — деди Муратбекова.
Психолог жубайлар мамиледеги күтүүлөрү тууралуу ачык сүйлөшүп туруусу зарыл экендигин кошумчалады.
Жаңылыктар түрмөгү
0