https://sputnik.kg/20220127/osh-student-para-algan-ayal-sot-okum-1061588060.html
"Үй алам деп сүйүнгөм". Ошто студенттерден пара алган деканга соттун өкүмү чыкты
"Үй алам деп сүйүнгөм". Ошто студенттерден пара алган деканга соттун өкүмү чыкты
Sputnik Кыргызстан
Күнөөлүү деп табылган декан Ош шаардык сотунун чечимине нааразы экендигин билдирип, апелляциялык арыз менен Ош облустук сотуна кайрылды. 27.01.2022, Sputnik Кыргызстан
2022-01-27T13:31+0600
2022-01-27T13:31+0600
2022-01-27T18:06+0600
кыргызстан
ош
укмк
пара
студент
сот
декан
https://sputnik.kg/img/07e5/06/15/1052944845_0:0:1000:563_1920x0_80_0_0_716cbe9622a14f1bb4deea8b937c6a0a.jpg
ОШ, 27-янв. – Sputnik. Ош шаардык соту студенттерден пара алууга шектелген Кыргыз улуттук университетинин Ош шаарындагы филиалынын деканы Гүлмира Эркулованы күнөөлүү деп таап, 400 миң сом айып салды. Бул маалыматты укук коргоо органдарындагы ишенимдүү маалымат булагы билдирди.Сот Эркулованы Жазык кодексинин (2017-ж.) 320-беренесинин ("Кызмат абалын кыянаттык менен пайдалануу") 2-бөлүгү жана Кылмыш-жаза кодексинин (2021-ж.) 251-беренесинин 1-бөлүгү менен күнөөлүү деп тапкан.Ал эми бөгөт чарасы өзгөртүүсүз калтырылып (үй камагы), өкүм мыйзамдуу күчүнө киргенден кийин аны жокко чыгаруу көрсөтүлгөн. Бирок айыпталуучу шаардык соттун чечимине нааразы болуп, облустук сотко кайрылганы айтылды.Маалыматка караганда, сот Эркуловага жазанын түрүн жана анын өлчөмүн белгилөөдө мурда кылмыш жоопкерчилигине тартылбагандыгын, жаш курагын, үй-бүлөлүк шартын, ден соолугун эске алган. Ал эми кызматтык абалынан кыянаттык менен пайдаланганын оор жагдай катары эске алып, айып пул салуу түрүндө жазалоону туура тапкан.Токтомдо буюм далил катары алынган 1 200 АКШ долларын жана 3 220 сомду өкүм күчүнө киргенден кийин мамлекеттин пайдасына конфискациялоо каралган.Эске салсак, 2021-жылдын 18-июнунда Улуттук коопсуздук мамлекеттик комитетинин Ош шаардык жана облустук башкармалыгы тарабынан жашыруун тартылган видео жарыяланган. Анда декан бир нече адамдан акча алып жатканы чагылдырылган.УКМК Кылмыш-жаза кодексинин 325-беренеси боюнча ("Пара алуу") сотко чейинки өндүрүштүн алкагында текшерүү иштерин жүргүзгөн. Натыйжада айрым кызмат адамдары пара алууга катыштыгы бар экени аныкталган. Видеодон аял ар бир студенттен 100 доллардан алса 60 миң доллар таап, үй аларын айтып жатканын угууга болот. Шектүү УКМКнын тергөө абагына 48 саатка камакка алынган. Андан соң Ош шаардык соту 54 жаштагы аялдын кант диабети менен ооругандыгын, жалгыз бой эне экендигин жана жашы жете элек балдары бар экенин эске алып үй камагына чыгаруу чечимин кабыл алган.
https://sputnik.kg/20211208/suzakta-para-algan-sockyzmatker-karmaldy-1054903113.html
ош
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, ош, укмк, пара, студент, сот, декан
кыргызстан, ош, укмк, пара, студент, сот, декан
"Үй алам деп сүйүнгөм". Ошто студенттерден пара алган деканга соттун өкүмү чыкты
13:31 27.01.2022 (Жаңыртылды: 18:06 27.01.2022) Күнөөлүү деп табылган декан Ош шаардык сотунун чечимине нааразы экендигин билдирип, апелляциялык арыз менен Ош облустук сотуна кайрылды.
ОШ, 27-янв. – Sputnik. Ош шаардык соту студенттерден пара алууга шектелген Кыргыз улуттук университетинин Ош шаарындагы филиалынын деканы Гүлмира Эркулованы күнөөлүү деп таап, 400 миң сом айып салды. Бул маалыматты укук коргоо органдарындагы ишенимдүү маалымат булагы билдирди.
Сот Эркулованы Жазык кодексинин (2017-ж.) 320-беренесинин ("Кызмат абалын кыянаттык менен пайдалануу") 2-бөлүгү жана Кылмыш-жаза кодексинин (2021-ж.) 251-беренесинин 1-бөлүгү менен күнөөлүү деп тапкан.
Ал эми бөгөт чарасы өзгөртүүсүз калтырылып (үй камагы), өкүм мыйзамдуу күчүнө киргенден кийин аны жокко чыгаруу көрсөтүлгөн. Бирок айыпталуучу шаардык соттун чечимине нааразы болуп, облустук сотко кайрылганы айтылды.
Маалыматка караганда, сот Эркуловага жазанын түрүн жана анын өлчөмүн белгилөөдө мурда кылмыш жоопкерчилигине тартылбагандыгын, жаш курагын, үй-бүлөлүк шартын, ден соолугун эске алган. Ал эми кызматтык абалынан кыянаттык менен пайдаланганын оор жагдай катары эске алып, айып пул салуу түрүндө жазалоону туура тапкан.
Токтомдо буюм далил катары алынган 1 200 АКШ долларын жана 3 220 сомду өкүм күчүнө киргенден кийин мамлекеттин пайдасына конфискациялоо каралган.
Эске салсак, 2021-жылдын 18-июнунда Улуттук коопсуздук мамлекеттик комитетинин Ош шаардык жана облустук башкармалыгы тарабынан жашыруун тартылган видео жарыяланган. Анда декан бир нече адамдан
акча алып жатканы чагылдырылган.УКМК Кылмыш-жаза кодексинин 325-беренеси боюнча ("Пара алуу") сотко чейинки өндүрүштүн алкагында текшерүү иштерин жүргүзгөн. Натыйжада айрым кызмат адамдары пара алууга катыштыгы бар экени аныкталган. Видеодон аял ар бир студенттен 100 доллардан алса 60 миң доллар таап, үй аларын айтып жатканын угууга болот. Шектүү УКМКнын тергөө абагына 48 саатка камакка алынган. Андан соң Ош шаардык соту 54 жаштагы аялдын кант диабети менен ооругандыгын, жалгыз бой эне экендигин жана жашы жете элек балдары бар экенин эске алып үй камагына чыгаруу чечимин кабыл алган.
