Айдоочунун өмүрүн сактап калчу маанилүү жана жөнөкөй 5 адат

Айдоочу. Архив - Sputnik Кыргызстан, 1920, 23.01.2022
Жазылуу
Yandex newsTelegram
Адис жолдогу коопсуздук тууралуу кеп болгондо айдоочунун тажрыйбасы жана унаанын абалынан сырткары майда, бирок маанилүү нерселер эске алынышы керектигин белгиледи.
БИШКЕК, 23-янв. — Sputnik. "Прайм" агенттиги айдоочулар эске түйүп жүрөр беш нерсени айтып берди.
Автоунааларды саткан "Авилон" компаниясынын өкүлү Павел Червяков белгилегендей, коопсуздук үчүн айдоочунун тажрыйбасы, унаанын үлгүсү, жолдор жана аба ырайы эле маанилүү эмес. Айдоочулар жөнөкөй, бирок маанилүү адаттарды эске алышы керек.
Биринчиден — рулга отурардан мурун дөңгөлөктөр бошоп калбаганын текшерүү керек.
Экинчиден — айдоочу менен алдыңкы орундуктагы жүргүнчүдөн сырткары артта отургандар да коопсуздук курун тагынууну адат кылышы зарыл.
Үчүнчүдөн — жолдон көзүңүздү албаңыз. Тамак жеп, тамеки тартып, уюлдук телефонго алаксыбаш керек. Адистер бирөө менен сүйлөшөрдө унааны токтото турууга кеңеш беришет.
Төртүнчүдөн — унаа бузулуп орто жолдо калбайын же кырсыкка учурабайын десеңиз маал-маалы менен техникалык тейлөөдөн өткөрүп туруңуз. Өзгөчө аккумулятор, тормозун, унааны жүргүзгөн бөлүктөрдү, куюлчу суюктуктарды (май, мотор майы жана башка) текшерүү керек.
Бешинчиден — рулду туура башкаруу, тагыраагы, колдун туура коюлушу жана кыймылы да чоң мааниге ээ. Ал эрежелерди адатта автомектептерден үйрөтөт.
Мындан тышкары, эксперт унаада дайыма дары кутучасы менен өрт өчүрүүчү жабдуу болушу керектигин кошумчалады.
Автоунаанын дөңгөлөгүн алмаштыруу. Архив - Sputnik Кыргызстан, 1920, 21.01.2022
Адис тоңдо тайбаш үчүн автоунаанын дөңгөлөгү кандай болушу керектигин айтты
Жаңылыктар түрмөгү
0