FIFA мыкты футболчу, машыктыруучу жана күйөрмандарды атады. Сүрөттөр
© AP Photo / Harold Cunningham
Жазылуу
Сыйлык тапшыруу боюнча онлайн иш-чара 17-январь күнү Швейцариянын Цюрих шаарында өттү. Анда футболчулардын 2020-жылдын 8-октябрынан тарта 2021-жылдын 7-августуна чейинки көрсөткөн ийгиликтерине баа берилди.
БИШКЕК, 18-янв. — Sputnik. Эл аралык футбол федерациясы (FIFA) 2021-жылдын жыйынтыгын чыгарып, мыкты оюнчу, машыктыруучу жана эң кооз голду аныктады.
Сыйлык тапшыруу боюнча онлайн иш-чара 17-январь күнү Швейцариянын Цюрих шаарында өттү. Анда футболчулардын 2020-жылдын 8-октябрынан тарта 2021-жылдын 7-августуна чейинки көрсөткөн ийгиликтерине баа берилди.
Өткөн жылдын мыкты футболчусу деп Польшанын курама командасынын жана "Бавария" клубунан чабуулчусу Роберт Левандовски табылды. Бул сыйлыкты алыш үчүн ал айтылуу футболчулар Лионель Месси менен Мохамед Салахты артта калтырды.
It is a great honor and pleasure to receive the title of FIFA The Best Men's Player 🏆
— Robert Lewandowski (@lewy_official) January 17, 2022
Thank you for your votes and your support 🙏#TheBest @FIFAWorldCup @FIFAcom pic.twitter.com/GdLwawCNK8
Кыз-келиндер арасында мыктылардын мыктысы деп Испаниянын "Барселона" командасынын жарым коргоочусу Алексия Путельяс аталды.
Una vegada més, The Best @alexiaputellas! 👑@FIFAcom | @FIFAWWC #FCBFemeni pic.twitter.com/YW8dLYQoAj
— FC Barcelona Femení (@FCBfemeni) January 17, 2022
"Манчестер Юнайтеддин" форварды Криштиану Роналду курама команданын дарбазасына киргизилген голдор боюнча рекорду үчүн атайын байгеге ээ болду.
🏆✨ Cristiano Ronaldo is the recipient of #TheBest FIFA Special Award!
— FIFA World Cup (@FIFAWorldCup) January 17, 2022
🇵🇹 Legend. Winner. Goalscoring machine. @Cristiano. pic.twitter.com/ZnzGMJKCEk
Эркектер арасындагы футболдо мыкты машыктыруучу деп "Челсинин" насаатчысы Томас Тухель аталды. Ал эми аялдар футболундагы машыктыруучулардын арасынан ошол эле "Челсидеги" Эмма Хейз алдына эч кимди салган жок.
Ал эми эң кооз гол деп испаниялык "Севильянын" жарым коргоочусу Эрик Ламеланын голу аталды. Аны футболчу өткөн жылдын 14-мартында "Тоттенхэмдин" курамында ойноп жатып, "Арсенал" командасынын дарбазасына киргизген.
Este golazo de Erik Lamela fue nominado como el mejor tanto del 2021.🔥⚽️
— CONMEBOL.com (@CONMEBOL) January 17, 2022
¡Felicidades @ErikLamela por ganar el premio #Puskas de la @FIFAcom! 🇦🇷💪#CreeEnGrande pic.twitter.com/XtOqEIyRK3
Дания менен Финляндиянын курама командаларынын күйөрмандарына "Мыкты күйөрман" наамы берилди. Алар эки өлкөнүн командалары ойноп жатканда эсин жоготкон даниялык футболчу Кристиан Эриксенди биргеликте колдоп беришкен. Футболчунун жүрөгү оюн талаасында токтоп калып, кийин операция жасаткан.
Still gives us goosebumps. https://t.co/E0h5UN8CAq
— FIFA.com (@FIFAcom) January 17, 2022
