Орозайым Нарматовага диплом берген ЖАМУнун кызмат адамдарына иш козголду

© Sputnik / Табылды КадырбековЖогорку Кеңештин депутаты Орозайым Нарматова
Жогорку Кеңештин депутаты Орозайым Нарматова - Sputnik Кыргызстан, 1920, 14.01.2022
Жазылуу
УКМКга Нарматова Жалал-Абад мамлекеттик университетине (ЖАМУ) мыйзамсыз түрдө дароо үчүнчү курска тапшырганы боюнча маалымат түшкөн.
БИШКЕК, 14-янв. — Sputnik. Жалал-Абад мамлекеттик университетинин кызмат адамдарына Жогорку Кеңештин депутаты Орозайым Нарматованы окуу жайга мыйзамсыз негизде кабыл алуу фактысы боюнча кылмыш иши козголду. Бул тууралуу Улуттук коопсуздук мамлекеттик комитети (УКМК) билдирди.
Ага ылайык, парламенттик шайлоо жүрүп жаткан кезде УКМКга Нарматова 2013-жылы орто кесиптик билими боюнча диплому менен Жалал-Абад мамлекеттик университетине (ЖАМУ) мыйзамсыз түрдө дароо үчүнчү курска тапшырганы боюнча маалымат түшкөн. Текшерүү учурунда Нарматова ЖАМУга өтүш үчүн жасалма диплом колдонушу мүмкүн деген да божомолдор болгон.
"Факт боюнча иш козголуп, тергөө учурунда ЖАМУда Нарматованын орто кесиптик билими бар-жогун тастыктаган бир дагы документ жок экени аныкталды. Бул нерсе анын окуу жайга мыйзамсыз өткөнүнөн кабар берет. Мындан тышкары, сессия жана экзамен тапшыруу учурларында Нарматова Кыргызстандын аймагында эмес, Россияда жүргөнү белгилүү болду. Бул дагы ЖАМУнун жооптуу адамдары дипломду мыйзамсыз бергенин далилдейт", — деп айтылат маалыматта.
Козголгон бул иш боюнча Орозайым Нарматова УКМКга күбө катары сурак берүүгө чакыртылганы айтылды. Анын жыйынтыгы боюнча жогоруда айтылган фактыларга юридикалык баа берилет.
Жогорку Кеңештин депутаты Акбөкөн Таштанбеков  - Sputnik Кыргызстан, 1920, 11.01.2022
Депутат Акбөкөн Таштанбеков УКМКнын тергөө абагынан чыгарылды
Аткаминер соттун залында. Архив - Sputnik Кыргызстан, 1920, 15.06.2021
Жасалма диплом жасатып, чырга аралашкан жетекчилер менен депутаттар
Жаңылыктар түрмөгү
0
Алгач жаңыларыАлгач эскилери
loader