Радиостудия Sputnik Кыргызстан в Бишкеке - Sputnik Кыргызстан, 1920
Радио

Сатыбалдиева: III бизнес-форумга Дубайдан ишкер аялдарды чакырабыз

© Sputnik / Асель СыдыковаЖеке ишкер Нургүл Сатыбалдиева
Жеке ишкер Нургүл Сатыбалдиева  - Sputnik Кыргызстан, 1920, 13.01.2022
Жазылуу
Жеке ишкер Нургүл Сатыбалдиева өлкөдө жеңил өнөр жай ишкерлиги өнүгүү жолунда баратканын айтты.
10 жылдан ашык үй-бүлөсү менен текстиль бизнесинде жүргөн Нургүл Сатыбалдиева мурдагыга салыштырмалуу азыр жеңил өнөр жай жакшы эле өнүгүп калганын айтып Sputnik Кыргызстан радиосуна маек курган.
Сатыбалдиева: III бизнес-форумга Дубайдан ишкер аялдарды чакырабыз
Анын айтымында, 2-4-март күндөрү Бишкекте өтүүчү кыргыз-орус ишкер аялдар бизнес-форуму жеңил өнөр жайында бизнес жасаган аялдарга чоң мүмкүнчүлүктөрдү ачып берет.
"Ушул жылдын 2-мартында башталып, үч күнгө белгиленген кыргыз-орус ишкер аялдар форуму экинчи ирет өтүп жатат. Биринчиси былтыр октябрь айында болгон. Анда да ушул эле текстиль бизнеси негизги тема эле. Абдан жандуу өткөн иш-чарадан улам бул ирет да ушул эле жеңил өнөр жайын башкы тема кылып алып, Казакстан, Өзбекстандан да ишкер айымдар чакырылып жатат. Мындан 10 жыл мурда эле биз өзүбүз ушундай форумдарга Россия жана башка мамлекеттерге барып катышып, суктанып келчү элек. Бизде да ушундай аянтчалар түзүлүп, дүйнөлүк бренддер келип биздин ишкерлер менен жолукса деп кыялданчубуз. Минтип мезгил өтүп өлкөбүздө да экинчи ирет өтүп жатат. Буюрса үчүнчү жолку бизнес-форумга Дубайда жеңил өнөр жайы менен алектенген аялдарды да чакырабыз. Алардын да кызыгуусу күч. Азыр эми базарда отуруп соода кылуу доору аяктап баратат. Ошого байланыштуу кыргыз текстили да дүйнөлүк дүкөндөрдө сатылып калуусуна аракет кылышыбыз керек. Бул үчүн бизде бардык мүмкүнчүлүктөр бар", — деди Сатыбалдиева.
Ал өлкөдөгү жеңил өнөр жайы бюджетке киреше алып келүү боюнча эле алдыңкы орундарда турбастан, сапаты менен да эл аралык аренада оозго алынып калганын кошумчалады.
Жаңылыктар түрмөгү
0