Беспорядки в Казахстане из-за повышения цен на газ - Sputnik Кыргызстан, 1920, 05.01.2022
Казакстан: 2022-жылдагы газ митингдери
2022-жыл жаңырары менен Казакстанда автоунаага газдын кымбаттап кетишинен улам митингдер башталып, 5-январга караган түнү митингчилер менен күч түзүмдөрү кагылышты. Президент Касым-Жомарт Токаев өзгөчө абал режимин киргизип, ЖККУдан жардам сураган. Учурда өлкөдө кырдаал турукташты.

Кыргыз-казак чек арасындагы "Ак тилек" өткөрүү пункту мурдагы тартипте иштей баштады

© Фото / Пресс-служба правительства/ Алишер Алиев"Ак тилек" өткөрүү жайы. Архив
Ак тилек өткөрүү жайы. Архив - Sputnik Кыргызстан, 1920, 08.01.2022
Жазылуу
Коронавируска байланыштуу чектөөлөрдү эске алуу менен Кыргызстандын жарандарына Казакстандын аймагына кирүүгө да уруксат берилген.
БИШКЕК, 8-янв. — Sputnik. Кыргыз-казак чек арасынын аймагындагы "Ак тилек" (Кыргызстан) жана "Карасу" (Казакстан) өткөрүү жайлары штаттык режимде иштеп баштады. Бул тууралуу УКМКнын Чек ара кызматы кабарлады.
Ошондой эле коронавируска байланыштуу чектөөлөрдү эске алуу менен Кыргызстандын жарандарына Казакстандын аймагына кирүүгө уруксат берилген.
"COVID-19га байланыштуу болгон чектөөлөрдү эске алуу менен "Ак тилек-авто жол" өткөрүү жайы аркылуу транспорт каражаттары тоскоолдуксуз кирип чыга алышат", — деп жазылган маалыматта.
Кыргыз-казак чек арасындагы башка көзөмөл өткөрүү жайларында убактылуу төмөндөгүдөй чектөөлөр сакталууда:
"Чалдыбар" (Кыргызстан) — "Сыпатай баатыр" (Казакстан) бул чектөөлөр менен:
Кыргызстандын жарандарына Казакстандын аймагына кирүүгө убактылуу чектөө коюлду;
Казакстандын аймагындагы Кыргызстандын жарандары "Чалдыбар" өткөрүү жайы аркылуу кире алышат;
Кыргызстандын аймагында жүргөн казакстандыктар "Чалдыбар" аркылуу чыгып кете алышат;
оор жүк ташуучу транспорт каражаттары Казакстандын аймагына "Чалдыбар" аркылуу чектөөсүз кире алат.
"Ак жол" (Кыргызстан) — "Кордай" (Казакстан) төмөндөгүдөй чектөөлөр менен иштеп жатат:
Кыргызстандын жарандарына Казакстандын аймагына кирүүгө убактылуу чектөө коюлду;
Казакстандын аймагында жүргөн Кыргызстандын жарандары "Ак жол" аркылуу кире алышат;
Кыргызстандын аймагында жүргөн Казакстандын жарандары "Ак жол" аркылуу чыкса болот. Бул өткөрүү жайынан жарандар жөө гана өтө алышат.
Таластагы "Чоң-Капка" — "Айша-Биби" (Казакстан) төмөндөгүдөй чектөөлөр менен иштеп жатат:
Кыргызстандын жарандарына Казакстандын аймагына кирүүгө убактылуу чектөө коюлду;
Казакстандын аймагы аркылуу транзит менен каттаган оор жүк ташуучу транспорт каражаттар гана мамлекеттик чек арадан штаттык режимде өткөрүлөт;
Казакстандын аймагында жүргөн Кыргызстандын жарандары "Чоң-Капка" өткөрүү жайы аркылуу кире алышат;
Кыргызстандын аймагында жүргөн Казакстандын жарандары "Чоң-Капка" өткөрүү жайы аркылуу кете алышат.
8-январь саат 19:30га карата кыргыз-казак мамлекеттик чек ара аймагындагы өткөрүү жайларында жарандардын жана транспорт каражаттарынын тыгыны жок экени кошумчаланды.
Казакстандын биринчи президенти Нурсултан Назарбаев  - Sputnik Кыргызстан, 1920, 08.01.2022
Казакстан: 2022-жылдагы газ митингдери
Нурсултан Назарбаевдин учурда кайда экенин маалымат катчысы айтты
Жаңылыктар түрмөгү
0