Бир айга жетпей 3-каргаша. "Тазалыктын" кызматкерин унаа коюп кетип көз жумду

© AFP 2022 / PHILIPP GUELLANDЖол белгиси. Архив
Жол белгиси. Архив - Sputnik Кыргызстан, 1920, 04.01.2022
Жазылуу
Yandex newsTelegram
Соңку бир айга жетпеген убакта ушуну менен "Тазалык" ишканасы үч кызматкеринен айрылып жатат. 35 жаштагы жумушчу алган жаратынан улам ошол жерде жан бергени айтылды.
БИШКЕК, 4-янв. — Sputnik. Бишкекте "Тазалык" ишканасынын көчө шыпырып жүргөн жумушчусун автоунаа коюп кетип каза болду. Бул тууралуу Кайгуул милиция башкармалыгы билдирди.
Маалыматка ылайык, кырсык бүгүн, 4-январда, болжол менен саат 8:15тер чамасында болгон.
"41 жаштагы Р. Г. аттуу айдоочу аял Toyota Probox үлгүсүндөгү автоунаа менен Шабдан баатыр көчөсүндө күн батышты көздөй бара жатып, ТЭЦтен өткөндөн кийин 35 жаштагы "Тазалыктын" К.С. аттуу кызматкерин сүзүп алган. Жабырлануучу алган жаратынан ошол жерден мүрт кеткен", — деп айтылат маалыматта.
Автоунаа убактылуу айып короосуна токтотулуп, айдоочу Бишкек шаардык милициянын тергөө кызматына жеткирилгени айтылды. Азыркы тапта тийиштүү экспертизалар дайындалып, жол кырсыгынын эмнеден болгону такталып жатат.
Соңку бир айга жетпеген убакта ушуну менен "Тазалык" ишканасы үч кызматкеринен айрылып жатат. Узаган жылдын 12-декабрында 47 жаштагы, андан алты күн өткөндөн кийин 61 жаштагы киши көчө шыпырып иштеп жүргөн жеринен набыт болгон. Экөөнү тең автоунаа коюп кеткен, экинчи окуяда айдоочу мас экени аныкталган.
Шаар жетекчиси Айбек Жунушалиев - Sputnik Кыргызстан, 1920, 18.12.2021
Мэрия "Тазалыктын" кырсыктан көз жумган кызматкеринин бүлөсүнө колдоо көрсөтөт
Жаңылыктар түрмөгү
0