https://sputnik.kg/20211229/kadamzhay-oorukana-zhurok-kan-tamyr-oorular-teksheruu-apparat-1060830656.html
Кадамжайдагы ооруканага жүрөк-кан тамыр ооруларын текшерген аппарат берилди
Кадамжайдагы ооруканага жүрөк-кан тамыр ооруларын текшерген аппарат берилди
Sputnik Кыргызстан
Салтанатта облус башчысы менен министр мамлекет мындан ары элдин саламаттыгын сактоо багытындагы иштерди көбөйтүү менен Баткен облусуна өзгөчө көңүл буруларын... 29.12.2021, Sputnik Кыргызстан
2021-12-29T15:12+0600
2021-12-29T15:12+0600
2022-01-31T15:25+0600
кадамжай
ачылыш
баткен облусу
оорукана
https://sputnik.kg/img/103159/97/1031599756_0:208:3072:1936_1920x0_80_0_0_ab4488086e58da5104bccd077440532b.jpg
БИШКЕК, 29-дек. — Sputnik. Баткен облусундагы Кадамжай райондук жалпы дарыгерлер практикалык борборунда кардиологиялык жана кечиктирилгис медициналык жардам көрсөтүү бөлүмдөрү ачылды. Бул тууралуу президенттин облустагы ыйгарым укуктуу өкүлүнүн маалымат кызматы билдирди.Иш сапары менен аймакка барган саламаттык сактоо министри Алымкадыр Бейшеналиев борборго ангиография (жүрөк-кан тамырларын изилдөөчү) аппаратын тапшырган.Аталган аппарат жүрөктүн жана денедеги бардык тамырларды текшерип, жүрөк көңдөйүндөгү кан басымын ченейт. Ошондой эле бул жабдуу менен тубаса жүрөк кемтиги бар төрөлгөн балдарга жабык операция жасап, электрдик кардиостимулятор койсо болот.Белгилей кетсек, Кадамжай райондук жалпы дарыгерлик практика борбору 200 миңден ашык элди тейлейт. 18 үй-бүлөлүк топ, 22 ФАП жана 14 бөлүмдөн турат.Салтанатка катышкан облус башчысы Абдикарим Алимбаев менен министр Алымкадыр Бейшеналиев мамлекет мындан ары элдин саламаттыгын сактоо багытындагы иштерди көбөйтүү менен Баткен облусуна өзгөчө көңүл буруларын айтышты.
https://sputnik.kg/20211226/altyn-balalyk-kompleksi-tez-zhardam-unaalary-1060748086.html
кадамжай
баткен облусу
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кадамжай, ачылыш, баткен облусу, оорукана
кадамжай, ачылыш, баткен облусу, оорукана
Кадамжайдагы ооруканага жүрөк-кан тамыр ооруларын текшерген аппарат берилди
15:12 29.12.2021 (Жаңыртылды: 15:25 31.01.2022) Салтанатта облус башчысы менен министр мамлекет мындан ары элдин саламаттыгын сактоо багытындагы иштерди көбөйтүү менен Баткен облусуна өзгөчө көңүл буруларын айтышты.
БИШКЕК, 29-дек. — Sputnik. Баткен облусундагы Кадамжай райондук жалпы дарыгерлер практикалык борборунда кардиологиялык жана кечиктирилгис медициналык жардам көрсөтүү бөлүмдөрү ачылды. Бул тууралуу президенттин облустагы ыйгарым укуктуу өкүлүнүн маалымат кызматы билдирди.
Иш сапары менен аймакка барган саламаттык сактоо министри Алымкадыр Бейшеналиев борборго ангиография (жүрөк-кан тамырларын изилдөөчү) аппаратын тапшырган.
Аталган аппарат жүрөктүн жана денедеги бардык тамырларды текшерип, жүрөк көңдөйүндөгү кан басымын ченейт. Ошондой эле бул жабдуу менен тубаса жүрөк кемтиги бар төрөлгөн балдарга жабык операция жасап, электрдик кардиостимулятор койсо болот.
"Жылдан-жылга көйгөйлүү болуп келе жаткан жүрөк-кан тамыр ооруларынын кескин түрдө өсүүсүнүн негизинде алгач кардиология жана кардиореанимация бөлүмү ачылды. Ошондой эле борбордо кошумча кечиктирилгис медициналык жардам көрсөтүү бөлүмү да бар. Ал жактан жарандар кардиолог, акушер, гинеколог, хирург, травматолог, педиатр жана терапевт дарыгерлеринен медициналык жардам ала алышат", — деп айтылат маалыматта.
Белгилей кетсек, Кадамжай райондук жалпы дарыгерлик практика борбору 200 миңден ашык элди тейлейт. 18 үй-бүлөлүк топ, 22 ФАП жана 14 бөлүмдөн турат.
Салтанатка катышкан облус башчысы Абдикарим Алимбаев менен министр Алымкадыр Бейшеналиев мамлекет мындан ары элдин саламаттыгын сактоо багытындагы иштерди көбөйтүү менен Баткен облусуна өзгөчө көңүл буруларын айтышты.
26 Бештин айы 2021, 16:35
