Мыкты футболчулар Айдана менен Гүлжигиттин "беттеши". Видео

© Sputnik / Табылды КадырбековКыргызстандын мыкты футболчу кызы Айдана Оторбаева. Архив
Кыргызстандын мыкты футболчу кызы Айдана Оторбаева. Архив - Sputnik Кыргызстан, 1920, 28.12.2021
Жазылуу
Алар текбол оюнунан таймашкан. Ошондой эле топту бут менен ойноо чеберчилиги боюнча күч сынашкан.
БИШКЕК, 28-дек. — Sputnik. Кыргызстандын мыкты футболчу кызы Айдана Оторбаева менен футболчу Гүлжигит Алыкулов бири-биринин футболдук техникасын сынашып таймаш өткөрдү. Футболчу кыз атаандашынын айласын кетирген видео Гүлжигит Алыкуловдун социалдык тармактагы фанат группасынын Instagram баракчасына чыкты.
Бишкектеги спорттук жайлардын биринде алар текбол (стол теннисинин тактайы сыяктуу аянтчада топ менен ойнолуучу оюн) оюнунан таймашкан. Спортчулар ошондой эле бири-бирин алдап буйтап өтүү, топту бут менен ойноонун чеберчилиги боюнча өз ара күч сынашкан.
Видеодон көрүнүп тургандай, спортчу кыз шамдагайлыгын, топту бут менен башкарууда укмуштай техникасын көрсөтө алган.
Айдана Оторбаева — Кыргызстандын кыз-келиндер курама командасынын оюнчусу. 2018-жылы Испаниянын Madrid CFF (Madrid Club de Fútbol Femenino) кыздар клубунда келишим менен ойногон. Учурда өзүнүн футбол мектеби бар.
Гүлжигит Алыкулов азыркы тапта Казакстандын "Кайрат" клубунда ойнойт. Ал быйыл командасы менен Казакстандын кубогу мелдешин жеңди. Анын трансфердик баасы бир миллион еврого көтөрүлгөнү маалым. 2019-жылы Кыргызстандын мыкты футболчусу деп табылган.
Кыргыз футбол союзунун президенти Медербек Сыдыков - Sputnik Кыргызстан, 1920, 24.12.2021
Радио
Сыдыков: FIFA кыздар футболун өнүктүрүүгө басым жасайт
Кыргызстандык футболчу кыз Айдана Оторбаева. Архив - Sputnik Кыргызстан, 1920, 19.02.2021
Футболчу Айдана Оторбаева Дүйнөлүк футбол уюмунун атайын сыйлыгына татыды
Жаңылыктар түрмөгү
0