Бишкектик окуучулар эл аралык олимпиададан алтын жана күмүш медаль утту

© Sputnik / Алексей Мальгавко / Медиабанкка өтүүОкуучу сабак учурунда. Архив
Окуучу сабак учурунда. Архив - Sputnik Кыргызстан, 1920, 27.12.2021
Жазылуу
Иран олимпиадасына 57 өлкөдөн 4 500дөн ашык окуучу катышкан. Билим жарышынын жыйынтыгы боюнча кыргызстандык окуучулар үч медалга татыган.
БИШКЕК, 27-дек. — Sputnik. Геометрия боюнча өткөн эл аралык Иран олимпиадасынан Бишкектин окуучулары бир алтын, эки күмүш медаль утуп алды. Бул туурасында Билим берүү жана илим министрлигинен кабарлашты.
Аталган олимпиадага 57 өлкөдөн 4 500дөн ашык окуучу катышкан. Билим жарышынын жыйынтыгы боюнча кыргызстандык окуучулар үч медалга татыган.
Алар:
Фёдор Корнияш, Бишкек шаарындагы Ефим Якир атындагы №61 автордук физика-математикалык мектеп-лицейинин окуучусу – ортоңку класстар арасында алтын медаль;
Назар Киргизбаев, Бишкек шаарындагы Ефим Якир атындагы №61 автордук физика-математикалык мектеп-лицейинин окуучусу – ортоңку класстар арасында күмүш медаль;
Тилек Аскербеков, Чыңгыз Айтматов атындагы "Сапат" лицейинин окуучусу – жогорку класстар арасында күмүш медаль.
Маалыматта онлайн-форматта өткөрүлгөн бул олимпиадага окуучуларды "Газпром Кыргызстан" мектебинин жана Бишкек шаарынын Якир атындагы №61 автордук физика-математикалык мектеп-лицейинин математика мугалими Мамат Ишматов жана Чыңгыз Айтматов атындагы "Сапат" лицейинин математика мугалими Азамат Аскаров даярдаганы айтылган.
Бишкектик окуучу Фёдор Корнияш Таланттарды даярдоо лабораториясы аталышындагы математика, физика жана химия боюнча эл аралык өспүрүмдөр олимпиадасында коло байге алды - Sputnik Кыргызстан, 1920, 09.12.2021
Бишкектик окуучу эл аралык олимпиадада коло алды
Жаңылыктар түрмөгү
0