"Ысык-Көл" эмнеге бузулуп жатат? Президенттин иш башкармалыгынын түшүндүрмөсү

© Sputnik / Акылбек Батырбеков"Ысык-Көл" мейманканасы бузуу учурунда
Ысык-Көл мейманканасы бузуу учурунда - Sputnik Кыргызстан, 1920, 24.12.2021
Жазылуу
Yandex newsTelegram
Бүгүн эртең менен Бишкектеги Чыңгыз Айтматов проспектисинде жайгашкан "Ысык-Көл" мейманканасы бузулуп жаткандыгы тууралуу маалымат тараган.
БИШКЕК, 24-дек. — Sputnik. Президенттин иш башкармалыгы "Ысык-Көл" мейманканасы эмне себептен бузулуп жаткандыгын түшүндүрүп берди.
Эске салсак, бүгүн эртең менен Бишкектеги Чыңгыз Айтматов проспектисинде жайгашкан "Ысык-Көл" мейманканасы бузулуп жаткандыгы тууралуу маалымат тараган.
"Ысык-Көл" мейманканасы көп жылдан бери колдонулбай турат. Эскилиги жетип, авариялык абалда эле. Имаратты мындан ары колдонуу мүмкүн эмес. Атургай ал айланадагылардын жашоосуна коркунуч келтирип жаткан. Айланасы тосулганына карабай, аймагына шаардыктар кирген учурлар болот. Ал эми имарат кайсы учурда болсо дагы урап калышы мүмкүн", — деп айтылат билдирүүдө.
Ошондой эле башкармалыктан "анын реконструкциясына жаңы имарат кургудай эле каражат кетерин" айтышты.
129 миң чарчы метр аянтты ээлеген имарат Бишкектин түштүк аймагынан орун алган. Бийлик 2016-жылы мейманкананы толугу менен оңдоп-түзөө үчүн 65 миллион доллар салууну пландаган. Бирок долбоор ордунан жылбай токтоп калган.
Саламаттык сактоо министринин орун басары Жалалидин Рахматулаев - Sputnik Кыргызстан, 1920, 24.12.2021
Бишкектеги балдардын онкоборборунун курулушу эмне болду? Министрликтин жообу
Жаңылыктар түрмөгү
0