Миңден ашуун бала келет. Бишкекте бүгүн президенттик балаты өтөт

© Пресс-служба президента КР / Султан ДосалиевБишкек шаарындагы президенттик балаты. Архив
Бишкек шаарындагы президенттик балаты. Архив - Sputnik Кыргызстан, 1920, 24.12.2021
Жазылуу
Улуттук филармонияда өтө турчу иш-чарага өлкөнүн бардык аймактарынан 8 жаштан 14 жашка чейинки 1 100 бала чакырылган.
БИШКЕК, 24-дек. — Sputnik. Бүгүн, 24-декабрда, өлкө башчы Садыр Жапаров балдар үчүн жыл сайын өтүүчү салтка айланган жаңы жылдык балатыга катышат. Бул тууралуу президенттик администрациядан кабарлады.
Иш-чара улуттук филармонияда өтөт. Ага өлкөнүн бардык аймактарынан 8 жаштан 14 жашка чейинки 1 100 бала чакырылган.
"Анын ичинде окуунун отличниктери, олимпиадалардын, эл аралык сынактардын жана турнирлердин жеңүүчүлөрү, балдар үйлөрү, Афганистандын Улуу жана Кичи Памиринен келген этникалык кыргыздардын, укук коргоо органдарынын кызматкерлеринин балдары бар. Мындан тышкары, кызматтык милдетин аткарууда курман болгон аскер кызматчылары, аз камсыз болгон үй-бүлөлөрдүн балдары, ошондой эле ден соолугунан мүмкүнчүлүгү чектелген балдар келет", — деп жазылган билдирмеде.
Жаңы жылдык концерттик жана театрлаштырылган программа КТРКнын, республикалык жана облустук телеканалдардын, ошондой эле социалдык түйүн баракчаларынын түз эфиринде чагылдырылып, саат 10:55те башталат.
Аяз ата менен Аяз кыз Бишкектеги троллейбуста - Sputnik Кыргызстан, 1920, 21.12.2021
Бишкекте троллейбус жүргүнчүлөрүн Аяз ата менен Аяз кыз куттуктоодо. Сүрөт
Жаңылыктар түрмөгү
0