Ошто таштанды ыргыткандарды уяткаруу ыкмасын табышты. Камерага түшкөн сүрөттөр

© Фото / МП "Ош-Тазалык"Оштогу таштанды контейнерлери
Оштогу таштанды контейнерлери - Sputnik Кыргызстан, 1920, 20.12.2021
Жазылуу
Камералардын жардамы менен таштандыны контейнерге салбаган жана курулуш калдыктарын таштап кеткен адамдар аныкталат.
БИШКЕК, 20-дек. — Sputnik. Ош шаарындагы таштанды контейнерлеринин жанына видеокөзөмөл камералары орнотула баштады. Бул туурасында "Ош-Тазалык" муниципалдык ишканасынан билдиришти.
Камералар алгач пилоттук долбоор катары 20 жерге коюлду. Алар негизинен таштандыны контейнерге салбай жерге ыргытып, курулуштан чыккан калдыктарды таштап кете берген аймактарга коюлганы айтылды.
"Камералар күнү-түнү иштеп, белгиленбеген жерге таштанды төккөн жарандардын жүзүн, унаасын кошо жаздырып алат. Анын негизинде айып пул салынат. Ал эми уяткаруу максатында жүзүн коомчулукка жарыялоо маселесинин мыйзамдуулук жагы каралууда. Мындай камераларды коюунун максаты — шаардын тазалыгына кайдыгер караган жарандар менен күрөшүү", — деп айтылат маалыматта.
"Ош-Тазалык" таштандыны чар-жайыт ыргыткандардын айынан шаар булганып, экинчи жагынан курулуш калдыктарын жүктөгөн техникалар бузулуп жатканын белгиледи.
Бишкек мэриясы таштандыны жер алдына чогултуу жана сактоо боюнча пилоттук долбоор баштап жатат - Sputnik Кыргызстан, 1920, 05.12.2021
Шаар тазарат! Таштандыны чогултуп, сактоо боюнча мэриянын өзгөчө долбоору
Жаңылыктар түрмөгү
0